ພິທີມອບ-ຮັບສາງເກັບມ້ຽນເຄື່ອງບັນເທົາທຸກຂອງອົງການກາແດງແຫ່ງຊາດລາວໄດ້ຈັດຂຶ້ນໃນວັນທີ 19 ມີຖຸນາ 2023 ທີ່ຫຼັກ16 ຖະໜົນ13ໃຕ້ ເມືອງໄຊທານີ ນະຄອນຫຼວງວຽງຈັນ ໂດຍການເຂົ້າຮ່ວມຂອງ ສຈ. ດຣ. ພູທອນ ເມືອງປາກ ປະທານອົງການກາແດງແຫ່ງຊາດລາວ ,ທ່ານເຕດ ບຸນນາກ ເລຂາທິການໃຫຍ່ ສະພາກາຊາດໄທ ມີພະນັກງານຈາກກະຊວງຕ່າງໆ, ບໍລິສັດຮັບເໝົາກໍ່ສ້າງ ຕະຫຼອດຮອດພະນັກງານທີ່ກຽ່ວຂ້ອງທັງສອງຝ່າຍເຂົ້າຮ່ວມ.
ໃຫ້ກຽດກ່າວມອບໂດຍທ່ານ ເຕດ ບຸນນາກ ເລຂາທິການໃຫຍ່ ສະພາກາຊາດໄທ ແລະ ກ່າວຮັບໂດຍແມ່ນທ່ານ ສຈ.ດຣ. ພູທອນ ເມືອງປາກ ປະທານອົງການກາແດງແຫ່ງຊາດລາວ, ສາງເກັບມ້ຽນເຄື່ອງດັ່ງກ່າວ ໄດ້ລົງມືກໍ່ສ້າງແຕ່ວັນທີ 13 ກັນຍາ 2022 ເປັນຕົ້ນມາ ແລະ ໄດ້ສຳເລັດໃນເດືອນພຶດສະພາ 2023 ໃຊ້ເວລາກໍ່ສ້າງ 9 ເດືອນ ໂຄງສ້າງປະກອບມີ ຂະໜາດກວ້າງ 10 ແມັດ ,ຍາວ 30 ແມັດ , ລວງສູງ 5,85ແມັດ, ເປັນໂຄງເຫຼັກ, ຝາກໍ່ດ້ວຍດີນຈີ່ ຟື້ນເທດ້ວຍເປຕົງເສີມເຫຼັກ ພາຍໃນອາຄານສາງປະກອບມີ ຫ້ອງສາງມ້ຽນເຄື່ອງ ແລະ ຫ້ອງການ , ຫ້ອງນໍ້າ2 ຫ້ອງ ແລະ ທາງນອກຍັງປະກອບມີທາງຍ່າງອອ້ມອາຄານ, ຄານດິນ ແລະ ພື້ນ ເປັນໂຄງສ້າງເບຕົງເສີມເຫຼັກ, ເສົາເຫຼັກ H-BEAM ແລະ ໂຄງຫຼັງຄາດ້ວຍເຫຼັກກ່ອງ, ກໍ່ດ້ວຍດິນຈີ່ທັນສະໄໝ ມຸງດ້ວຍແຜ່ນ VXP, ນອກນີ້ ຍັງໄດ້ບຸກເບີກຖົມດິນ, ກໍ່ສ້າງຮົ້ວອ້ອມໂຄງການ,ອາຄານຈອດລົດລວມມູນຄ່າທັງໝົດ 8.346.867 ບາດ ຫລືປະມານ 4.640.858.052 ກວ່າກີບ.ໂດຍການສະໜັບສະໜູນສະພາກາຊາດໄທ.
ສາງດັ່ງກ່າວຈະຊ່ວຍໃຫ້ການເກັບມ້ຽນເຄື່ອງບັນເທົາທຸກອົງການກາແດງລາວ ມີຄວາມສະດວກສະບາຍຮັບປະກັນການໃນການຮັກສາເຄື່ອງໃຫ້ມີຄຸນນະພາບ ແລະ ທັງເປັນການກະກຽມເຄື່ອງແຮໄວ້ເພື່ອໃຫ້ການຊ່ວຍເຫຼືອໃນເວລາເກີດໄພພິບັດໃຫ້ທັນກັບຄວາມຕ້ອງການ.
ຂຽນໂດຍ: ບຸນຍັງ ພຸດສະຫວັດ
ພາບ: ອົງການກາແດງແຫ່ງຊາດລາວ
