ກົມໂຄສະນາ ຂອງຄະນະໂຄສະນາອົບຮົມສູນກາງພັກ (ຄອສພ) ສົມທົບກັບ ກົມຈັດຕັ້ງ ແລະ ພະນັກງານ ກະຊວງເຕັກໂນໂລຊີ ແລະ ການສື່ສານ ຈັດເຝິກອົບຮົມວຽກງານໂຄສະນາ-ປາຖະກະຖາ ຊຸດທີ V ຂຶ້ນໃນວັນທີ 13 ມິຖຸນາ 2023 ພາຍໃຕ້ການເປັນປະທານຮ່ວມຂອງ ສະຫາຍ ຄຳພູ ດວງຖະໜອມ ຄະນະປະຈຳພັກ ຫົວໜ້າກົມຈັດຕັ້ງ ແລະ ພະນັກງານ ກະຊວງເຕັກໂນໂລຊີ ແລະ ການສື່ສານ ແລະ ສະຫາຍ ໂຟເມກ ວິໄລສັກ ຫົວໜ້າກົມໂຄສະນາ ຄະນະໂຄສະນາອົບຮົມສູນກາງພັກ ພ້ອມດ້ວຍນັກສຳມະນາກອນ 40 ສະຫາຍ ຍິງ 14 ສະຫາຍ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ໃນພິທີ ສະຫາຍ ຄຳພູ ດວງຖະໜອມ ໄດ້ກ່າວວ່າ: ເພື່ອສ້າງຄວາມຮັບຮູ້-ເຂົ້າໃຈ ກ່ຽວກັບວຽກງານໂຄສະນາ-ປາຖະກະຖາ ໃຫ້ແກ່ພະນັກງານນຳພາ-ຄຸ້ມຄອງ ອ້ອມ ຂ້າງກະຊວງເຕັກໂນໂລຊີ ແລະ ການສື່ສານ ໃຫ້ມີຄວາມສາມາດຈັດຕັ້ງປະຕິບັດໜ້າທີ່ການເມືອງໃນໄລຍະໃໝ່ໄດ້ຢ່າງມີຄຸນນະພາບວຽກງານໂຄສະນາ-ປາຖະກະຖາເປັນວຽກງານໜຶ່ງທີ່ສຳຄັນ ໃນວຽກງານການເມືອງ-ແນວຄິດ ເຊິ່ງພັກເຮົາຖືເປັນວຽກງານທີ່ສຳຄັນທີ່ສຸດ ການຈັດຕັ້ງເຝິກອົບຮົມໃນຄັ້ງນີ້.
ເພື່ອຍົກລະດັບຄວາມຮູ້ດ້ານທິດສະດີ ແລະ ພຶດຕິກໍາ ກ່ຽວກັບວຽກງານໂຄສະນາ-ປາຖະກະຖາ ໃຫ້ພະນັກງານຫຼັກແຫຼ່ງອ້ອມຂ້າງກະຊວງເຕັກໂນໂລຊີ ແລະ ການສື່ສານ ເອກະສານທີ່ນຳມາອົບຮົມໃນຄັ້ງນີ້ ປະກອບມີ 4 ບົດ ຄື: ທັກສະການ ໂຄສະນາ-ປາ ຖະກະຖາ (ໂຄສະນາດ້ວຍປາກ) ການເຝິກຝົນຄວາມສາມາດໃນການຂຽນເອກະສານ ຂອງພັກ ວຽກງານ ໂຄສະນາຜ່ານສື່ຄຸນລັກສະນະ ແລະ ສິລະປະໃນການປາກເວົ້າ ຂອງນັກປາຖະກະຖາ ເຊິ່ງໃຊ້ເວລາເຝິກ ອົບຮົມ ລະຫວ່າງ 13–26 ມິຖຸນາ 2023 ຈຶ່ງຈະສຳເລັດ.
