ສຳນັກຂ່າວຊິນຮວາ ຂອງ ສປ ຈີນ ຄະນະກຳມະການພັດທະນາ ແລະ ປະຕິຮູບແຫ່ງຊາດຈີນ ເປີດເຜີຍວ່າ: ສປ ຈີນ ໄດ້ລົງທຶນ 7,3 ຕື້ຢວນ ໃນປີນີ້ເພື່ອສະໜັບສະໜູນໂຄງການຈັດຫາວຽກເຮັດງານທຳໃຫ່ແກ່ຜູ້ດ້ອຍໂອກາດ ຊຶ່ງເປັນມາດຕະການຫລຸດຜ່ອນຄວາມທຸກຍາກອີກຮູບແບບໜຶ່ງຄິດເປັນ 90% ຂອງການລົງທຶນຕາມແຜນປະຈຳປີນີ້ ແລະ ຈະຖືກໃຊ້ສະໜັບສະໜູນໂຄງການພື້ນຖານໂຄງລ່າງຂະໜາດໜ້ອຍ-ກາງ ໃນຊົນນະບົດຫລາຍກວ່າ 2.000 ໂຄງການໃນພາກພື້ນ ລະດັບແຂວງຫລາຍກວ່າ 20 ແຫ່ງ ທາງພາກກາງ ແລະ ພາກຕາເວັນຕົກຂອງປະເທດ.
ໂຄງການຈັດຫາວຽກເຮັດງານທຳ ເນັ້ນຊ່ວຍເຫລືອຜູ້ດ້ອຍໂອກາດ ໂດຍສະເພາະປະຊາຊົນໃນເຂດຊົນນະບົດໃຫ້ຫລຸດພົ້ນຈາກຄວາມທຸກຍາກ, ກຸ່ມຄົນອ່ອນແອທີ່ມີທ່າອ່ຽງຈະກັບມາສູ່ຄວາມທຸກຍາກ ແລະ ແຮງງານ ຕ່າງຖິ່ນ ທີ່ເດີນທາງກັບທ້ອງຖິ່ນ ໂດຍໂຄງການນີ້ຖືກອອກແບບ ມາຊ່ວຍໃຫ້ປະຊາຊົນກຸ່ມດັ່ງກ່າວມີວຽກເຮັດ ທີ່ບ້ານເກີດ ແລະ ຈະມີການຈ່າຍຄ່າຕອບແທນແຮງງານຫລາຍກວ່າ 5 ຕື້ຢວນ ຫລັງຈັດຕັ້ງປະຕິບັດໂຄງການນີ້ ຊຶ່ງຈະສະໜັບສະໜູນຜູ້ດ້ອຍໂອກາດຫລາຍກວ່າ 200.000 ຄົນ ເຂົ້າຮ່ວມໂຄງການ ກໍ່ສ້າງ ແລະ ເພີ່ມລາຍໄດ້ປະມານ 10.000 ຢວນຕໍ່ຄົນ.
ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
