ສຳນັກຂ່າວຊິນຮວາຂອງ ສປ ຈີນ ເມື່ອບໍ່ດົນມານີ້ ທ່ານ ອາເລັກຊານເດີ ໂນວັກ ຮອງນາຍົກລັດຖະມົນຕີຣັດເຊຍ ເປີດເຜີຍວ່າ: ປະລິມານການສົ່ງອອກນ້ຳມັນຈາກຣັດເຊຍ ໄປອິນເດຍ ເພີ່ມຂຶ້ນ 19 ເທົ່າ ກວມເອົາ 41 ລ້ານໂຕນ ໃນປີ 2022. ຂະນະທີ່ ຕົວເລກການສົ່ງອອກນ້ຳມັນໄປກຸ່ມປະເທດອາຊຽນ ສູງກວ່າໄປເອີຣົບເປັນຄັ້ງທຳອິດ. ຂະນະທີ່ການສົ່ງອອກນ້ຳມັນສູ່ກຸ່ມປະເທດ ທີ່ເປັນມິດເພີ່ມຂຶ້ນ 76% ແລະ ການສົ່ງອອກຜະລິດຕະພັນນ້ຳມັນເພີ່ມຂຶ້ນ 20% ໃນປີຜ່ານມາ.
ປັດຈຸບັນຣັດເຊຍ ພວມພັດທະນາພື້ນຖານໂຄງລ່າງ ເພື່ອເພີ່ມການສົ່ງອອກໄປພາກພື້ນອາຊີ-ອາຊີຟິກ ພາຍໃນປີ 2026 ມີການວາງແຜນຂີດຄວາມສາມາດການຈັດສົ່ງຂອງທໍ່ສົ່ງນ້ຳມັນຫລັກເສັ້ນທາງສູ່ອາຊີເພີ່ມຂຶ້ນ 32 ລ້ານໂຕນ ແລະ ສ້າງທໍ່ສົ່ງນ້ຳມັນມີຄວາມຍາວ 600 ກິໂລແມັດ. ຂະນະດຽວກັນຣັດເຊຍ ຢູ່ລະຫວ່າງດຳເນີນໂຄງການຕ່າງໆ ເພື່ອເອື້ອຍອຳນວຍການສົ່ງອອກແກັສຜ່ານທໍ່ສູ່ພາກພື້ນຕາເວັນອອກ ປະລິມານສູງສຸດເຖິງ 100ຕື້ ແມັດກ້ອນ
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
