ຫວ່າງບໍ່ດົນມານີ້, ກົມປູກຝັງກະຊວງກະສິກຳ ເເລະ ປ່າໄມ້ ສປປ ລາວ, ສູນວິໄຈພັນພືດເຂດຮ້ອນອາຊີໃຕ້ຂອງສະຖາບັນວິທະຍາສາດກະສິກຳເຂດຮ້ອນເເຫ່ງ ສປ ຈີນ ແລະ ບໍລິສັດ ເສສວນຢາງກວ່າງເຈ່ຍລັນ ພັດທະນາກະສິກຳ ຍຸກສະໄໝໃໝ່ ຈໍາກັດ ໄດ້ປືກສາຫາລືກັບຝ່າຍຈີນຢູ່ທີ່ ສະຖາບັນວິທະຍາສາດ ກະສິກຳເຂດຮ້ອນເເຫ່ງ ສປ ຈີນ ກ່ຽວກັບການຊ່ວຍພັດທະນາຄວາມທັນສະໄໝທາງດ້ານກະສິກໍາໃຫ້ແກ່ປະເທດລາວ, ທີ່ລະບຸໄວ້ໃນບົດບັນທຶກຄວາມເຂົ້າໃຈການຮ່ວມມືດ້ານເຕັກໂນໂລຊີການກະສິກຳ (MOU) ທີ່ໄດ້ລົງນາມໃນເດືອນ ມີນາ ປີ 2023.
ໃນກອງປະຊຸມ, ທັງສອງຝ່າຍໄດ້ຜ່ານການຄົ້ນຄວ້າ ແລະ ປຶກສາຫາລື ເຫັນດີກໍານົດເອົາ ການນຳເຂົ້າເຕັກໂນໂລຊີດ້ານກະສິກຳທີ່ທັນສະໄໝ ແລະ ປະສົບການການບໍລິຫານຄຸ້ມຄອງວິສາຫະກິດ ໂດຍນໍາໃຊ້ທ່າແຮງດ້ານຊັບພະຍາກອນທຳມະຊາດທາງກະສິກຳຂອງລາວ, ສ້າງມາດຕະຖານທີ່ກ່ຽວຂ້ອງກ່ຽວກັບຕ່ອງໂສ້ອຸດສາຫະກໍາລວມຮອບດ້ານ ທາງດ້ານກະສິກຳເຂດຮ້ອນ, ສ້າງເວທີການຄ້າຂ້າມແດນສຳລັບສິນຄ້າກະສິກຳ ແລະ ສົ່ງເສີມການພັດທະນາແບບດີຈີຕອນ ທາງດ້ານກະສິກຳເຂດຮ້ອນລະຫວ່າງ ລາວ-ຈີນ, ຊຸກຍູ້ການຮ່ວມມືດ້ານກະສິກຳລະຫວ່າງຈີນ-ລາວ, ການຮ່ວມມືວິສາຫະກິດການຄ້າ, ຊ່ວຍຜັກດັນທິດທາງການພັດທະນາກະສິກຳ ແລະ ການຄ້າທາງສິນຄ້າກະສິກຳລະຫວ່າງລາວ-ຈີນ ອອກສູ່ສາກົນ. ນອກຈາກນັ້ນ, ພາຍໃຕ້ຫຼັກການບົນພື້ນຖານການຮ່ວມກັນປຶກສາຫາລື, ຮ່ວມກັນສ້າງ ແລະ ຮ່ວມກັນແບ່ງປັນ, ອີງຕາມສັນຍາການຮ່ວມມືດ້ານເຕັກໂນໂລຊີການກະສິກຳ (MOU) ໄດ້ກໍານົດການປະຕິບັດງານໂຄງການຄົ້ນຄວ້າວິໄຈດ້ານກະສິກຳ, ນະວັດຕະກຳເຕັກໂນໂລຊີເຄື່ອງກົນຈັກການກະເສດໃໝ່, ການສ້າງແນວພັນຄຸນນະພາບພືດເຂດຮ້ອນ, ສ້າງເຂດພື້ນທີ່ສາທິດເພາະປູກພືດເຂດຮ້ອນ, ສ້າງສູນຝຶກອົບຮົມບຸກຄະລາກອນທາງດ້ານກະສິກໍາຂອງລາວ ແລະ ສ້າງລະບົບມາດຕະຖານແບບບູລະນາການໃນການກວດສອບ ແລະ ຮັບຮອງແບບຕອງໂສ້ອຸດສາຫະກຳຮອບດ້ານກະສິກຳເຂດຮ້ອນ ແລະ ແຜນການ-ເປົ້າໝາຍການຮ່ວມມືຂອງສາມຝ່າຍ.
ການຮ່ວມມືສາມຝ່າຍ ຈະປະຕິບັດຕາມຂໍ້ລິເລີ່ມ “ໜຶ່ງເເລວ ໜຶ່ງເສັ້ນທາງ”, ຢຶດໝັ້ນໃນການຮ່ວມມືຢ່າງສັນຕິ, ເປີດກວ້າງ, ຮຽນຮູ້ແລກປ່ຽນບົດຮຽນຊຶ່ງກັນ ແລະ ກັນ, ມີຜົນປະໂຫຍດຮ່ວມກັນແບບຕ່າງຝ່າຍຕ່າງໄດ້ຮັບໄຊຊະນະ, ຢຶດໝັ້ນເເນວຄິດພັດທະນາແບບສີຂຽວ, ຄວ້າໂອກາດໃນການດໍາເນີນງານ RCEP ແລະ ຂັບເຄື່ອນດ້ວຍນະວັດຕະກໍາໃໝ່, ຖືເອົາ ບໍລິສັດ ຢາງກວ່າງເຈ່ຍລັນ (ລາວ) ສວນອຸດສາຫະກໍາພັດທະນາກະສິກໍາລະບົບນິເວດ ເປັນແກນກາງໃນການຈັດຕັ້ງດໍາເນີນງານຕາມເນື້ອໃນສັນຍາການຮ່ວມມືດ້ານເຕັກໂນໂລຊີການກະສິກຳ (MOU), ຍົກສູງຄຸນນະພາບເພື່ອໃຫ້ບັນລຸແຜນເປົ້າໝາຍຕ່າງໆຕາມທີ່ກ່າວຂ້າງເທິງ, ນໍາໃຊ້ພູມປັນຍາຂອງຈີນຊ່ວຍຊຸກຍູ້ການພັດທະນາ ແລະ ປະດິດສ້າງໃໝ່ໃຫ້ເເກ່ກະສິກຳລາວ-ຈີນ, ຮ່ວມສົ່ງເສີມປົກປັກຮັກສາລະບົບນິເວດ ແລະ ເສດຖະກິດພາກພື້ນ, ສົ່ງເສີມການພັດທະນານະວັດຕະກໍາເເບບສີຂຽວ ແລະ ຄວາມທັນສະໄໝຂອງຈີນ-ລາວໃນດ້ານເຕັກໂນໂລຊີກະສິກຳ, ການລົງທຶນດ້ານກະສິກຳ, ການຄ້າດ້ານກະສິກໍາ ແລະ ອຸດສາຫະກຳກະສິກຳຢ່າງຈິງຈັງເພື່ອອຸທິດຜົນງານ ແລະ ສ້າງປະຊາຄົມຄູ່ຮ່ວມຊາຕາກໍາມວນມະນຸດໂລກບົນພື້ນຖານ ຂອງຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”.
(ຂ່າວ: ບໍລິສັດ ຢາງກວ່າງເຈ່ຍລັນ)
