ວິທະຍຸກະຈາຍສຽງຫວຽດນາມລາຍງານວ່າ: ວັນທີ 8 ມິຖຸນາ ຜ່ານມານີ້, ຄະນະກຳມະການປະຊາຊົນແຂວງບິ່ງດິງ ໄດ້ສົມທົບກັບ ສະມາຄົມ ໄອທີ ນະຄອນໂຮ່ຈິມິນ ຈັດລາຍການໂອ້ລົມສົນທະນາກັບນັກບິນ ໃນຂອບເຂດສັບປະດາ NASA ຫວຽດນາມ ຢູ່ ບິ່ງດິງ. ເຂົ້າຮ່ວມລາຍການດັ່ງກ່າວ, ມີນັກວິທະຍາສາດ, ນັກບິນ ຈາກອົງການການບິນ ແລະ ອາວະກາດ ອາເມຣິກາ (NASA), ພ້ອມກັບນັກຮຽນ, ນັກສຶກສາ ແລະ ຜູ້ຮັກມັກຂະແໜງວິທະຍາສາດເຂົ້າຮ່ວມເປັນຈຳນວນຫຼາຍ.
ສັບປະດາ NASA ໄດ້ດຳເນີນໃນລະຫວ່າງວັນທີ 8 – 9 ມິຖຸນາ ດ້ວຍກິດຈະກຳຫຼັກໆແມ່ນ: ການໂອ້ລົມສົນທະນາກັບນັກບິນ; NASA STEM DAY ແລະ ຄົ້ນຫາທ້ອງຟ້າທີ່ເຕັມໄປດ້ວຍດວງດາວ – Starry Night. ບັນດານັກບິນ NASA ກໍໄດ້ແບ່ງປັນບົດຮຽນ, ປະສົບການໂດຍກົງ ແລະ ສ້າງແຮງບັນດານໃຈໃຫ້ກັບໄວໜຸ່ມ ໃນການເຄື່ອນໄຫວ, ຮ່ຳຮຽນ, ຄົ້ນຄວ້າໃນຂົງເຂດຍ່ານເວຫາ ແລະ ອາວະກາດ.
ສັບປະດາ NASA ຖືກຈັດຂຶ້ນເພື່ອແນໃສ່ສົ່ງເສີມການຊອກຮູ້ກ່ຽວກັບພາລະກິດ, ການຄົ້ນຫາ ແລະ ຄວາມກ້າວໜ້າ – ປ່ຽນແປງໃໝ່ເຕັກໂນໂລຊີຂອງ NASA ຜ່ານການສຶກສາ ແລະ ເຫດການຕ່າງໆ.
