ວັນທີ 8 ມິຖຸນາ 2023 ທີ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຄຳມ່ວນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ນໍາເອົາເອົາອຸປະກອນຊຸດໂທລະໂຄ່ງໄປມອບໃຫ້ແຂວງຄຳມ່ວນ, ຕາງໜ້າກະຊວງ ຖວທ ມອບເຄື່ອງດັ່ງກ່າວໂດຍ ທ່ານ ສົມສະຫວາດ ພົງສາ ຫົວໜ້າກົມສື່ມວນຊົນ ກະຊວງ ຖວທ ແລະ ຕາງໜ້າຮັບໂດຍ ທ່ານ ໄຊສົມບູນ ສຸວັນດາລາ ຫົວໜ້າພະແນກ ຖວທ ແຂວງຄຳມ່ວນ.
ໂດຍການເຂົ້າຮ່ວມເປັນສັກຂີພິຍານ ຂອງທ່ານ ໂພສີ ແກ້ວມະນີວົງ ຄະນະປະຈຳພັກກະຊວງ ຮອງລັດຖະມົນຕີກະຊວງ ຖວທ, ທ່ານ ສົມສະອາດ ອຸ່ນສີດາ ຄະນະປະຈຳພັກແຂວງ ຮອງເຈົ້າແຂວງໆ ຄຳມ່ວນ ແລະ ພາກສ່ວນທີ່ກ່ຽວຂ້ອງ. ໂທລະໂຄ່ງທີ່ນໍາມາມອບໃນຄັ້ງນີ້ມີຈຳນວນ 50 ຊຸດ. ຈະນຳໃຊ້ເຂົ້າໃນວຽກງານທາງລັດຖະການ ກໍຄືການກະຈາຍຂໍ້ມູນຂ່າວສານຕ່າງໆ ແລະ ເຜີຍແຜ່ແນວທາງນະໂຍບາຍຂອງພັກ- ລັດຖະບານ ໃຫ້ສັງຄົມໄດ້ຮັບຮູ້ໂດຍຜ່ານລະບົບໂທລະໂຄ່ງທີ່ເຮັດໜ້າທີ່ກະຈາຍໃນແຕ່ລະມື້.
ພາຍຫຼັງໄດ້ຈັດພິມອບ-ຮັບຊຸດອຸປະກອນໂທລະໂຄ່ງແລ້ວ ກໍ່ໄດ້ຝືກອົບຮົມກ່ຽວກັບຄວາມຮູ້ພື້ນຖານດ້ານເຕັກນິກຕິດຕັ້ງໂທລະໂຄ່ງ, ຕິດຕັ້ງຈານດາວທຽມ, ການນຳໃຊ້ອຸປະກອນ, ການບໍາລຸງຮັກສາຢ່າງຖືກຕ້ອງ ໃຫ້ແກ່ພະນັກງານວິຊາການເຕັກນິກຂອງແຂວງ ແລະ ບັນດາເມືອງເປົ້າໝາຍ ເຊີ່ງການຝຶກອົບຮົມແມ່ນດຳເນີນໄປເປັນເວລາ 1 ວັນຈື່ງສຳເລັດ.
