ວັນເດັກນ້ອຍສາກົນແມ່ນເຫດການພິເສດໜຶ່ງທີ່ມີຄວາມໜາຍຄວາມສໍາຄັນແນໃສ່ບັນລຸໃຫ້ໄດ້ຕາມຈຸດປະ ສົງເພື່ອສົ່ງເສີມ ແລະ ປົກປ້ອງເດັກນ້ອຍ. ຍ້ອນເຫັນໄດ້ຄວາມສໍາຄັນຂອງເດັກທີ່ເປັນໜໍ່ແໜງແຫ່ງຊີວິດໃນມື້ນີ້ ເພື່ອກາຍເປັນອະນາຄົດອັນແຈ່ມໃສຂອງປະເທດຊາດໃນມື້ໜ້າ.
ນາງ ສາຄອນ ສີປະເສີດ ຮອງຜູ້ອໍານວຍການໂຮງຮຽນອະນຸບານທະນາຄານ ແຫ່ງ ສປປ ລາວ ໄດ້ໃຫ້ສໍາພາດນັກຂ່າວ ໜັງສືພີມ ປະຊາຊົນ ເນື່ອງໃນໂອກາດວັນເດັກນ້ອຍສາກົນປີນີ້ (1/6/2023) ວ່າ: ເຮົາຕ້ອງໄດ້ເອົາໃຈໃສ່ໃຫ້ຄວາມສໍາຄັນໃນວັນນີ້ ເພື່ອໃຫ້ເດັກໄດ້ຮັບຮູ້ວ່າຕົນກໍແມ່ນຜູ້ໜຶ່ງທີ່ມີຄວາມສໍາຄັນ ຊຶ່ງເຫັນໄດ້ຄວາມເອົາໃຈໃສ່ຈາກສັງຄົມ, ຄອບຄົວ ແລະ ການຈັດພິທີສະເຫຼີມສະຫຼອງວັນເດັກນ້ອຍສາກົນ ກໍເພື່ອໃຫ້ເດັກໄດ້ສະແດງອອກໃນດ້ານຕ່າງໆ ທັງເປັນການປູກຈິດສໍານຶກທີ່ດີໃຫ້ກັບເດັກເພື່ອພັດທະນາຕົນເອງໃນອະນາຄົດຂ້າງໜ້າ.
ໃນໄລຍະ 1 ປີຜ່ານມາ ໂຮງຮຽນໄດ້ມີຜົນງານທີ່ພົ້ນເດັ່ນຫຼາຍດ້ານຄື: ເຂົ້າຮ່ວມແຂ່ງຂັນສີລະປະກິລາ ທີ່ເມືອງຈັນທະບູລີ ຈັດຂຶ້ນມີ: ແລ່ນແຂ່ງຂັນຊາຍ 50 ແມັດໄດ້ຮັບລັງວັນທີ 1, ເຕະບານເປັນທີມໄດ້ຮັບລາງວັນທີ 2, ສະແດງຮ້ອງເພງໄດ້ລາງວັນທີ 4. ນອກຈາກນີ້ ຍັງໄດ້ນໍາພາເດັກຊັ້ນອະນຸບານ 3 ໄປທັດສະນະສຶກສາທີ່ ຫໍສະ ໝຸດແຫ່ງຊາດ ຈໍານວນ 56 ຄົນ, ໄດ້ເຂົ້າຮ່ວມໂມງສອນເພື່ອແລກປ່ຽນບົດຮຽນຊຶ່ງກັນ ແລະ ກັນ ເພື່ອປັບປຸງການຮຽນ-ການສອນໃຫ້ໄດ້ຮັບຜົນດີຂຶ້ນກ່ວາເກົ່າ; ໄດ້ຮັບການສັກຢາປ້ອງກັນໂຄວິດ-19 ໃຫ້ເດັກຊັ້ນອະນຸບານ 3 ເຂັມ 1 ແລະ 2 ໄດ້ຈໍານວນ 24 ຄົນ ຈາກສາທາລະນະສຸກເມືອງຈັນທະບູລີ; ສັກຢາກັນໝາກແດງໃຫຍ່ໄດ້ຈໍານວນ 77 ຄົນ; ສັກຢາກັນສະໝອງອັກເສບຍີ່ປຸ່ນຈໍານວນ 6 ຄົນ. ສ່ວນນັກຮຽນທີ່ເຫຼືອແມ່ນສັກຄົບແລ້ວ (ຜູ້ປົກຄອງພາໄປສັກ); ເດັກໄດ້ຮັບການຢອດຢາວິຕາມິນ A ແລະ ຢາຂ້າແມ່ທ້ອງ ຈໍານວນ 86 ຄົນ; ໄດ້ພາພະນັກງານ ແລະ ຄູໄປທັດສະນະສຶກສາທີ່ເມືອງວັງວຽງ ແຂວງວຽງຈັນ; ໄດ້ຈັດພິທີສະເຫຼີມສະຫຼອງວັນຄູແຫ່ງຊາດວັນທີ 7 ຕຸລາ; ເຂົ້າຮ່ວມຝຶກອົບຮົບຄວາມຮູ້ພື້ນຖານການເງິນ ການທະນາຄານ ທີ່ສະຖາບັນການທະນາຄານ; ເຂົ້າຮ່ວມກິດຈະກໍາກິລາເພື່ອສຸຂະພາບຕ້ອນຮັບວັນສ້າງຕັ້ງ ທຫລ ຄົບຮອບ 54 ປີ; ເຂົ້າຮ່ວມກອງປະຊຸມຜູ້ບໍລິຫານການສຶກສາ ທີ່ຫ້ອງການສຶກສາທິການ ແລະ ກິລາ ເມືອງຈັນທະບູລີ; ແຕ່ລະຊັ້ນຮຽນໄດ້ສໍາເລັດໜ່ວຍການຮຽນ ການສອນປະຈໍາສົກຮຽນ 2022-2023; ພະນັກງານຄູສອນໄດ້ໄປຮຽນເຊື່ອມຕໍ່ຊັ້ນກາງ, ຊັ້ນສູງ, ປະລິນຍາຕີ, ປະລິນຍາໂທ; ເຂົ້າຮ່ວມຝຶກອົບຮົມຫົວຂໍ້ Food Safety and Quality Management System ທີ່ ສູນຮ່ວມມື ລາວ-ສິງກະໂປ.
ເນື່ອງໃນວັນເດັກນ້ອຍສາກົນປີນີ້, ທາງໂຮງຮຽນໄດ້ຈັດກິດຈະກໍາຫຼາກຫຼາຍເຊັ່ນ: ແຂ່ງຂັນກິລາແຕ່ລະຊັ້ນຮຽນ, ມອບຂອງຂວັນ, ມອບໃບຢັ້ງຢືນໃຫ້ເດັກຊັ້ນອະນຸບານ 3 ຈໍານວນ 55 ຄົນ, ສະແດງສີລະປະວັນນະຄະດີ ຂອງຊັ້ນອະນຸບານ 1, 2 ແລະ 3. ໃນໂອກາດນີ້, ຊາວໜຸ່ມຂອງທະນາຄານ ແຫ່ງ ສປປ ລາວ ມອບຊຸດກິລາໃຫ້ນັກຮຽນຈໍານວນ 194 ຄົນ, ກິດຈະກໍາການເບິ່ງແຍງ, ວິທີຈັດການຮຽນ – ການສອນ ແລະ ກິດຈະກໍາການສຶກສາອົບຮົມ ຊຶ່ງຮັບປະກັນ 3 ລັກສະນະ ແລະ ໄປຕາມ 5 ຫຼັກມູນການສຶກສາ ຊຶ່ງໄປຕາມຄໍາຂວັນຂອງໂຮງຮຽນວາງອອກ ‘’ໂຮງຮຽນອະນຸບານແຫຼ່ງຄວາມຮູ້ປັນຍາຄູກ້າວໄກໃສ່ໃຈດູແລ
