ສຳນັກຂ່າວ AFP ທ່ານ ສີ ຈິ້ນຜີງ ປະທານປະເທດ ສປ ຈີນ ປະກາດ ແຜນການຍົກລະດັບທ່າແຮງບົມຊ້ອນຂອງອາຊີກາງ ຄັ້ງໃຫຍ່ ຕັ້ງແຕ່ ການພັດທະນາລະບົບພື້ນຖານໂຄງລ່າງໄປຈົນເຖິງການສ້າງເຄືອຂ່າຍການຄ້າ ແລະ ວັດທະນະທໍາ ”ໂດຍບໍ່ມີ ການແຊກແຊງຈາກພາຍນອກ” ກອງປະຊຸມສຸດຍອດຜູ້ນຳ ຈີນ-ອາຊີກາງ ໄດ້ຈັດຂຶ້ນໃນວັນທີ19 ພືດສະພານີ້ ຢູ່ເມືອງຊີອານ ທາງຕາເວັນຕົກສ່ຽງເໜືອຂອງປະເທດ ໂດຍມີຜູ້ນຳຈາກ 5 ປະເທດອາຊີກາງເຂົ້າຮ່ວມ ລວມມີ: ກາຊັກສະຖານ, ກຽກກິດສະຖານ, ຕັດຈິກິດສະຖານ, ຕວັກເມນິດສະຖານ ແລະ ອຸດສະເບກິດສະຖານ.ຂະນະທີ່ ສປ ຈີນ ແລະ ປະຊາຄົມໂລກ ຫວັງໃຫ້ອາຊີກາງເປັນພາກພື້ນທີ່ມີສະຖຽນ ລະພາບ, ຄວາມຈະເລີນຮຸ່ງເຮືອງ ແລະ ຄວາມສາມັກຄີ ແລະ ມີການເຊື່ອມຕໍ່ທັງໃນກຸ່ມແລະ ລະຫວ່າງ ປະຊາຄົມໂລກ ແລະ ຮ່ວມມືກັນຕໍ່ຕ້ານການແຊກແຊງຈາກພາຍນອກຢ່າງເຂັ້ມແຂງ ເພື່ອປ້ອງກັນ ປຸກລະດົມ ການປະຕິວັດ ແລະ ຮ່ວມກັນ ຂັບເຄື່ອນ ນະໂຍບາຍ”ຄວາມອົດທົນ ເປັນສູນ” ຕໍ່ກັບ ການກໍ່ ການຮ້າຍການແບ່ງແຍກ ດິນແດນແລະ ແນວຄວາມຄິດ ຫົວຮຸນແຮງ.ຂະນະດຽວກັນ ທ່ານ ສີ ຈິ້ນຜີງ ຢືນຢັນ ໃຫ້ການສະໜັບ ສະໜູນ ທີ່ຈຳເປັນ ທຸກດ້ານແກ່ກຸ່ມປະເທດ ອາຊີກາງ ລວມເຖິງການສົ່ງເສີມການລົງທຶນ ແບບທະວິພາຄີ ກັບແຕ່ລະປະເທດ ໂດຍຈະເນັ້ນໄປເຖິງ ການສ້າງ ວຽກເຮັດ ງານທຳ, ການເພີ່ມ ການກໍ່ສ້າງ ສາງເກັບສິນຄ້າ ຂອງ ສປ ຈີນ ໃນອາຊີກາງ ແລະ ການເປີດ ບໍລິການເສັ້ນທາງລົດໄຟສາຍພິເສດເພື່ອສົ່ງເສີມວັດທະນະທຳ. ສຳລັບມູນຄ່າການຄ້າສອງສົ້ນ ລະຫວ່າງ ສປ ຈີນ ກັບ ອາຊີກາງບັນລຸ 70 ຕື້ໂດລາ ສະຫະລັດ ໃນປີ2022.ໃນນີ້ ເປັນການຄ້າ ຂາຍກັບ ກາຊັກສະຖານ ກວມເອົາ ຫລາຍທີ່ສຸດເຖິງ 31 ຕື້ໂດລາ ສະຫະລັດ./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
