ຕາມຂ່າວຈາກວິທະຍຸສາກົນແຫ່ງ ສປ ຈີນ ເມື່ອບໍ່ດົນມານີ້ສະພາບອາກາດຢູ່ອາຊີຕາເວັນອອກສຽງໃຕ້ (ອາຊຽນ) ພວມຜະເຊີນກັບອາກາດຮ້ອນແຮງສ້າງສະຖິຕິໃນປະຫວັດສາດຢູ່ຫລາຍປະເທດ ໂດຍສະເພາະ ສປປ ລາວ, ໄທ, ສສ ຫວຽດນາມ ແລະ ມຽນມາ ມີອາກາດຮ້ອນຫລາຍ ນັບຕັ້ງແຕ່ຕົ້ນເດືອນເມສາເປັນຕົ້ນມາ ໂດຍສະເພາະອຸນຫະພູມສະເລ່ຍສູງສຸດຢູ່ໄທ ແມ່ນສູງເຖິງ 40 ອົງສາ ໃນທົ່ວປະເທດ, ຖ້າຢູ່ໃນຕົວເມືອງຈະສູງຫລາຍກວ່າ 50 ອົງສາ.ສະເພາະໃນເດືອນເມສາ ແລະ ພຶດສະພາຂອງທຸກປີ ແມ່ນໄລຍະທີ່ມີສະພາບອາກາດຮ້ອນທີ່ສຸດຢູ່ອາຊີໃຕ້ ແລະ ອາຊີຕາເວັນອອກສຽງໃຕ້ ເພາະວ່າກ່ອນຈະຮອດລະດູຝົນອຸນຫະພູມຈະສູງຂຶ້ນ. ຂະນະທີ່ຊ່ຽວຊານອຸຕຸນິຍົມ ແຈ້ງເຕືອນວ່າ: ຄຽງຄູ່ກັບດິນຟ້າອາກາດ ມີການປ່ຽນແປງຮ້າຍແຮງຂຶ້ນ, ອຸນຫະພູມສູງແບບບໍ່ເຄີຍມີມາກ່ອນຈະນັບມື້ນັບມີຫລາຍຂຶ້ນໃນຕໍ່ໜ້າ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
