ຕາມຂ່າວຈາກ ວິທະຍຸ ສາກົນ ຫວຽດນາມ, ທ່ານ ຮຸນ ເຊນ (Hun Sen),ນາຍົກ ລັດຖະ ມົນຕີ ກຳປູເຈຍ ໄດ້ກ່າວ ໄຂງານ ມະຫາກຳ ກິລາ ອາຊີ ຕາເວັນອອກ ສຽງໃຕ້ ຄັ້ງທີ 32 (SEA Games 32) ຢ່າງເປັນທາງການ ຢ່າງຍິ່ງໃຫຍ່ ແລະ ໜ້າປະທັບໃຈ ດ້ວຍບັນດາ ລາຍການ ສະແດງ ສີລະປະ ຂອງ ນັກສິລະປິນ 1.000 ກວ່າຄົນ ແລະ ນັກກິລາ 2.000 ກວ່າຄົນ ພ້ອມດ້ວຍ ຜູ້ເຂົ້າຊົມອີກ 70.000 ກວ່າຄົນ ຢູ່ສະໜາມກິລາມໍລະດົກເຕໂຊ(Morodok Techo) ຢູ່ນະຄອນຫລວງ ພະນົມເປັນ.
ພ້ອມກັນ ຕ້ອນຮັບ ພິທີ ຍ່າງແຫ່ ຂະບວນ ຂອງ 11 ທັບກິລາ ຈາກປະເທດ ອາຊຽນ.ສຳລັບ ທັບກິລາ ຫວຽດ ນາມ ໄດ້ສະເໜີຕົວ ຕໍ່ຜູ້ຊົມ ເປັນອັນດັບທີ 2 ຕາມຫລັງ ທັບກິລາ ປະເທດ ເຈົ້າພາບ ກຳປູເຈຍ. ນັກກິລາ ລອຍນ້ຳ ຫງວຽນ ຮຸຍຮວ່າງ ຂອງ ຫວຽດ ນາມ ເປັນກຽດ ຈັບທຸງຊາດ ຂອງທັບກິລາ ຫວຽດນາມ ໂດຍມີ ບັນດາ ການນຳ ຂັ້ນສູງ ຈາກປະເທດ ສະມາຊິກ ອາຊຽນ ແລະ ຜູ້ຊົມ ຈາກພາຍໃນ ແລະ ຕ່າງປະເທດ ເຂົ້າຮ່ວມຢ່າງເປັນຂະບວນຟົດຟື້ນ.
ງານມະຫາກຳ ກິລາ ຊີເກມ ຄັ້ງນີ້ ຈັດຂຶ້ນ ລະຫວ່າງ ວັນທີ 5-17 ພຶດສະພາ 2023 ຊຶ່ງມີ ການຊີງໄຊ ທັງໝົດ 584 ຫລຽນຄຳ ໃນຈຳນວນ 36 ປະເພດ ກິລາ, ມີນັກກິລາ ເຂົ້າຮ່ວມ ແຂ່ງຂັນ ທັງໝົດ 6 ພັນກວ່າຄົນ./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
