ສຳນັກຂ່າວAFP,ທ່ານ ປີເຕີ ມາກສ(Peter Marks),ເຈົ້າໜ້າທີ່ ອາວຸໂສ ຂອງອົງການອາຫານ ແລະ ຢາ ຂອງ ສ.ອາເມລິກາ (FDA), ອະນຸມັດ Arexvyວັກຊີນ ປ້ອງກັນພະຍາດ RSV ຊະນິດ ທໍາອິດຖືເປັນຄວາມສຳເລັດ ຄັ້ງສຳຄັນ ທາງດ້ານສາທາລະນະສຸກ ໃນການປ້ອງກັນ ພະຍາດ ທີ່ເປັນ ອັນຕະລາຍ ຮ້າຍແຮງ ເຖິງຊີວິດ ເນື່ອງຈາກ ພະຍາດRSV ຄືເຊື້ອ ພະຍາດ ທົ່ວໄປ ທີ່ເຮັດໃຫ້ເກີດ ອາການ ຄ້າຍເປັນ ໄຂ້ຫວັດ ສຳລັບ ເດັກນ້ອຍ ແລະ ຜູ້ສູງອາຍຸ ເຊັ່ນດຽວກັບ ຜູ້ທີ່ມີລະບົບ ພູມຕ້ານທານ ອ່ອນແອ ແລະ ຜູ້ທີ່ມີພະຍາດ ປະຈຳຕົວ ອາການ ໃນເບື້ອງຕົ້ນ ອາດຮຸນແຮງກວ່າ ຈົນສົ່ງຜົນ ໃຫ້ເປັນ ພະຍາດ ປອດບວມ ແລະ ພະຍາດ ລອດເລືອດຝ່ອຍ ອັກເສບ ຊຶ່ງເປັນການ ອັກເສບ ທາງລະບົບ ຫາຍໃຈ ຂະໜາດນ້ອຍ ທີ່ຢູ່ເລິກ ເຂົ້າໄປ ໃນປອດ. ວັກຊິນ ດັ່ງກ່າວ ໄດ້ຮັບການ ອະນຸຍາດ ໂດຍອ້າງອີງ ຈາກການສຶກສາ ຜູ້ທີ່ມີ ອາຍຸ ຕັ້ງແຕ່ 60ປີ ຂຶ້ນໄປ ຈຳນວນ 25.000ຄົນ ພົບວ່າ ການສັກວັກຊິນ ພຽງ 1ໂດສ ມີຜົນ ໃນການປ້ອງກັນ ພະຍາດRSV ແລະ ພະຍາດ ຮ້າຍແຮງ ເຖິງ83% ແລະ ຫລາຍກວ່າ 94% ຕາມລຳດັບ ໂດຍຜົນ ທີ່ໄດ້ຮັບ ສາມາດ ປ້ອງກັນ ພະຍາດ ດັ່ງກ່າວ ໄດ້ດີ ແລະ ມີຄວາມປອດໄພສູງ ເຮັດໃຫ້ມີ ທ່າອ່ຽງ ການສັກ ວັກຊິນ ຊະນິດນີ້ ເພີ່ມຂຶ້ນ ໃນຕໍ່ໜ້າ./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
