ສຳນັກຂ່າວ ຣອຍເຕີ,ວັນທີ10ເມສານີ້, ການຕັດໄມ້ ທຳລາຍປ່າໃນ ອາເມຊອນ ຂອງບຣາຊິນ ເພີ່ມຂຶ້ນ 14%ໃນເດືອນມີນາ ທີ່ຜ່ານມາ ຈາກປີກາຍ ນັບເປັນ ຄວາມທ້າທາຍ ຢ່າງຕໍ່ເນື່ອງ ສຳລັບ ການປົກປັກ ຮັກສາ ປ່າໄມ້ ເຖິງວ່າ ທ່ານ ລູອິສ ອິນາຊີໂອ ລູລາ ດາຊີລວາ (Luiz Inacio Lula da Silva),ປະທານາທິບໍດີ ບຣາຊິນ ໃຫ້ຄຳໝັ້ນ ສັນຍາ ຈະຢຸດຕິ ການຕັດໄມ້ ທຳລາຍປ່າ ທີ່ເພີ່ມຂຶ້ນມາຫລາຍປີຜ່ານມາ. ຂະນະທີ່ເນື້ອທີ່ປ່າອາເມຊອນ ຖືກຕັດທຳລາຍ 356 ກິໂລຕາແມັດ.ນັບແຕ່ ເດືອນມັງກອນ ມາຮອດ ເດືອນມີນາ ປີນີ້ ມີເນື້ອທີ່ປ່າ ອາເມຊອນ ໄດ້ຮັບ ຄວາມເສຍຫາຍ ປະມານ 845 ກິໂລຕາແມັດ ຊຶ່ງຫລຸດລົງ 11% ເມື່ອທຽບໃສ່ ໄລຍະດຽວກັນ ປີກາຍນີ້./.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
