ສຳນັກຂ່າວຊິນຮວາຂອງ ສປ ຈີນ ວັນທີ 5 ເມສານີ້ ສຳນັກງານສະຖິຕິນູແວນເຊລັງ ລາຍງານປະລິມານການປ່ອຍແກັສເຮືອນແກ້ວ ຂອງປະເທດໃນໄລຍະໄຕມາດ ເດືອນກັນຍາ 2022 ຫລຸດລົງ 3,5% ກວມເອົາ 696 ກິໂລໂຕນ ເນື່ອງຈາກການບໍລິການ ໄຟຟ້າ, ອາຍແກັສ, ນ້ຳ, ການກຳຈັດສິ່ງເສດເຫລືອ ແລະ ອຸດສາຫະກຳການຜະລິດຫລຸດລົງ 26% ເມື່ອທຽບໃສ່ໄຕມາດ ເດືອນມິຖຸນາ.
ການຫລຸດລົງດັ່ງກ່າວສ່ວນໃຫຍ່ເປັນຜົນມາຈາກການໃຊ້ເຊື້ອເພີງຟໍສຊີລ ໃນການຜະລິດໄຟຟ້າໜ້ອຍລົງ ແລະ ການນຳໃຊ້ ພະລັງງານໝູນວຽນຫລາຍຂຶ້ນ ໂດຍສະເພາະການຜະລິດໄຟຟ້າພະລັງງານນ້ຳເພີ່ມຂຶ້ນ 29% ພະລັງງານຄວາມຮ້ອນໃຕ້ດິນ ເພີ່ມຂຶ້ນ 2% ແລະ ພະລັງງານລົມ ເພີ່ມຂຶ້ນອີກ 9,7%.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
