ສູນການຄ້າວຽງຈັນເຊັນເຕີ ໄດ້ຈັດສ່ວນຫລຸດຄັ້ງໃຫຍ່ ຄືນກຳໄລໃຫ້ລູກຄ້າ ຫລຸດສູງສຸດເຖິງ 80% ພ້ອມລຸ້ນຮັບຂອງລາງວັນ ລວມມູນຄ່າ 688.888.000 ກີບ (ເລີ່ມແຕ່ວັນທີ 28 ມີນາ ຫາ 24 ທັນວາ 2023) ເນື່ອງໃນໂອ ກາດສະເຫລີມສະຫລອງ ສູນການຄ້າວຽງຈັນເຊັນເຕີ ຄົບ ຮອບ 8 ປີທີ່ເປີດໃຫ້ບໍລິການ.
ສູນການຄ້າວຽງຈັນເຊັນເຕີ ໄດ້ຮັບການຕອບຮັບຈາກທາງຮ້ານຄ້າ, ແບຣນສິນຄ້າທີ່ມີຊື່ສຽງຕ່າງໆ ທີ່ໄດ້ເຂົ້າມາຮ່ວມເປັນສ່ວນໜຶ່ງ ກັບສູນການຄ້າວຽງຈັນເຊັນເຕີ ລວມເຖິງລູກຄ້າທີ່ເຂົ້າມາໃຊ້ບໍລິການນັບມື້ນັບເພີ່ມຂຶ້ນ. ສູນການຄ້າວຽງຈັນເຊັນເຕີ ຍັງໄດ້ມີການດຳເນີນກິດຈະການ, ການເຄື່ອນໄຫວງານກິດຈະກໍາສົ່ງເສີມເຍົາວະຊົນ, ງານຊ່ວຍ ເຫລືອສັງຄົມໃນດ້ານຕ່າງໆ ແລະ ສາມາດດຶງດູດລູກຄ້າໃຫ້ເຂົ້າມາໃຊ້ບໍລິການໄດ້ຫລາຍຂຶ້ນ.
ສຳລັບກິດຈະກໍາ ສະເຫລີມສະຫລອງ ຄົບຮອບ 8 ປີ ໄດ້ຈັດໃຫ້ມີຫລາຍກິດຈະກໍາ Happy ລຸ້ນຮັບຂອງລາງວັນສຸດພິເສດກັບ ວຽງຈັນເຊັນເຕີຜ່ານຊ່ອງທາງ Facebook Live ແຈກຂອງລາງວັນພິເສດຜ່ານຊ່ອງທາງ Facebook ທຸກມື້ (ຕາມຊ່ວງເວລາໂປຣໂມຊັນທີ່ກໍານົດ), ຈັດສ່ວນຫລຸດສູງສຸດເຖິງ 80% (ຕາມຊ່ວງເວລາໂປຣໂມຊັນທີ່ກໍານົດ), ຮ່ວມຮັບຄູປ໋ອງຊີງໂຊກລຸ້ນຂອງລາງວັນ ລວມມູນຄ່າ 688.888.000 ກີບ; ນອກຈາກນີ້, ຊື້ສິນຄ້າຄົບ 500.000 ກີບ ຮັບຄູປ໋ອງຊີງໂຊກ 1 ໃບ (ສາມາດລວມບິນພາຍໃນມື້ໄດ້) ເຊິ່ງພິທີຈັບສະຫລາກມອບໂຊກ ຈະຈັດຂຶ້ນວັນທີ 25 ທັນວາ 2023 ທັງນີ້ເພື່ອເປັນການຕອບແທນ ແລະ ຄືນກຳໄລໃຫ້ແກ່ລູກຄ້າ ຂອງສູນການຄ້າວຽງຈັນເຊັນເຕີ ກໍຄືລູກຄ້າຂອງບັນດາຮ້ານຄ້າຕ່າງໆ ທີ່ໃຫ້ຄວາມຮ່ວມມືເຊື່ອ ໝັ້ນ ແລະ ເຂົ້າມາໃຊ້ບໍລິການພາຍໃນສູນການຄ້າວຽງຈັນເຊັນເຕີ ຕະຫລອດໄລຍະເວລາ 8 ປີ ທີ່ຜ່ານມາ.
ຂ່າວ: ກິດຕາ
ພາບ: ເກດສະໜາ
