ຕາມຂ່າວຈາກວິທະຍຸສາກົນ ແຫ່ງ ສປ ຈີນ, ກຸ່ມບໍລິສັດນ້ຳມັນທະເລຈີນຈຳກັດ (CNOOC) ແຈ້ງໃຫ້ຮູ້ວ່າ: ສປ ຈີນ ໄດ້ສຳເລັດ ການຊຳລະ ບັນຊີ ດ້ວຍສະກຸນ ເງິນຢວນ ຕໍ່ການ ນຳເຂົ້າ ແກັສທຳມະຊາດແຫລວ ຂ້າມຊາດ ເປັນຄັ້ງ ທຳອິດ ຢູ່ນະຄອນ ຊຽງໄຮ້. ຂະນະທີ່ ສປ ຈີນ ໄດ້ກຳນົດ ບາດກ້າວ ລັກສະນະ ທາດແທ້ ໃນການ ຄົ້ນຄວ້າ ການຊຳລະ ບັນຊີ ດ້ວຍ ສະກຸນ ເງິນຢວນ ໃນຂົງເຂດ ຄ້າ-ຂາຍ ນ້ຳມັນ ເຊື້ອໄຟ ແລະ ແກັສທຳ ມະຊາດ ຂ້າມຊາດ.ສຳລັບ ການຊື້-ຂາຍ ຄັ້ງນີ້ ແມ່ນ CNOOC ແລະ ບໍລິສັດ ພະລັງງານ TOTAL ໄດ້ຕົກລົງກັນ ຢູ່ສູນຄ້າຂາຍ ນ້ຳມັນ ເຊື້ອໄຟ ແລະ ແກັສ ທຳມະຊາດ ນະຄອນຊຽງໄຮ້, ຊັບພະຍາກອນ ແກັສທຳມະຊາດແຫລວ ແມ່ນ ມາຈາກ ສະຫະນະຄອນ ເອເມເຣດ ອາຣັບ. ຍອດປະລິມານ ການຊື້-ຂາຍ ແກັສທຳມະຊາດແຫລວ ດ້ວຍ ສະກຸນ ເງິນຢວນ ໃນຄັ້ງນີ້ ມີປະມານ 65.000 ໂຕນ./.
(ບັນນາທິການຂ່າວ: ຕ່າງປະເທດ),
ຮຽບຮຽງຂ່າວໂດຍ: ສະໄຫວ ລາດປາກດີ
