ຕາມຂ່າວຈາກວິທະຍຸສາກົນ ແຫ່ງ ສປ ຈີນ ເມື່ອບໍ່ດົນມານີ້ສະພາມົນຕີສະຫະພາບເອີຣົບ (ອີຢູ) ໄດ້ອະນຸມັດກົດໝາຍ ສະບັບໜຶ່ງ ໂດຍຕົກລົງຫ້າມບໍ່ໃຫ້ຈຳໜ່າຍລົດໃຊ້ນ້ຳມັນເຊື້ອໄຟ ນັບແຕ່ປີ 2035 ເປັນຕົ້ນໄປ ໂດຍສະເພາະລົດເກັງ, ລົດໂດຍສານ ຂະໜາດນ້ອຍ ແລະ ລົດ ບັນທຸກ ສິນຄ້າ ຂະໜາດນ້ອຍ ທີ່ໃຊ້ ນ້ຳມັນ ເຊື້ອໄຟ ທີ່ຈະປ່ອຍ ກາກບອນ ໄດອອກໄຊ. ແຕ່ວ່າ, ໂດຍ ຕອບສະໜອງ ຕາມຄວາມ ຮຽກຮ້ອງ ຕ້ອງການ ຂອງເຢຍລະມັນ, ລົດໃຊ້ ນ້ຳມັນ ເຊື້ອໄຟໃໝ່ ທີ່ໃຊ້ ວັດຖຸ ເຊື້ອໄຟ ລັກສະນະ ເປັນກາງ ທາງກາກບອນ ອາດຈະ ສາມາດ ສືບຕໍ່ ຈຳໜ່າຍໄດ້ ຫລັງຈາກ ປີ 2035. ກ່ອນໜ້ານີ້ ຄະນະ ກຳມາທິການ ສະຫະພາບ ເອີຣົບ ໄດ້ກ້າວເຖິງ ຂັ້ນມີຄວາມເຫັນ ທີ່ເປັນ ເອກະພາບກັນກັບ ເຢຍລະມັນ ເຊິ່ງໄດ້ມ້າງ ອຸປະສັກ ໃນການສ້າງກົດໝາຍ. ກົດໝາຍ ສະບັບໃໝ່ ຈະເລີ່ມມີຜົນ ບັງຄັບໃຊ້ ພາຍຫລັງ ທາງການ ສະຫະພາບ ເອີຣົບ ອອກແຈ້ງການ 20 ວັນ./.
(ບັນນາທິການຂ່າວ: ຕ່າງປະເທດ), ຮຽບຮຽງຂ່າວໂດຍ: ສະໄຫວ ລາດປາກດີ
