ຕາມຂ່າວຈາກວິທະຍຸສາກົນ ແຫ່ງ ສປ ຈີນ ວັນທີ 29 ມີນານີ້, ກອງ ປະຊຸມ ປະຈຳປີ 2023 ຂອງເວທີ ປຶກສາ ຫາລື ອາຊີ ໂປອາວ ໄດ້ຈັດເວທີ ປຶກ ສາ ຫາລືຍ່ອຍ ພາຍໃຕ້ ຫົວຂໍ້ “ການຮ່ວມມື ໃນພາກພື້ນ ອາຊີ: ໂອກາດ ໃໝ່ ແລະ ສິ່ງທ້າທາຍໃໝ່”. ນັບແຕ່ ສັນຍາ ການພົວພັນ ຄູ່ຮ່ວມ ເສດຖະ ກິດ ຮອບດ້ານ ໃນພາກພືື້ນ ຫລື ອາແຊບ (RCEP) ໄດ້ຮັບ ການຈັດຕັ້ງ ປະຕິ ບັດ ໃນໄລຍະຜ່ານມາ ໄດ້ກາຍເປັນ ພະລັງ ຂັບເຄື່ອນໃໝ່ ໃຫ້ແກ່ ການພັດ ທະນາ ເສດຖະກິດ ຂອງພາກພື້ນ ອາຊີ. ຕາມການ ຄາດຄະເນ ຫລ້າສຸດ ຂອງ ກອງທຶນ ເງິນຕາ ສາກົນ (IMF) ໃຫ້ຮູ້ວ່າ: ຈັງຫວະ ການເຕີບໂຕ ຂອງ ກຸ່ມ ເສດຖະກິດ ຈະເລີນໃໝ່ ໃນອາຊີ ໃນປີ 2022 ໄດ້ບັນລຸເຖິງ 4,3%, ສູງ ກວ່າ ລະດັບ ເຕີບໂຕ ກວມລວມ ຂອງໂລກ ທີ່ຢູ່ໃນລະດັບ 3,4%. ເມື່ອ ກ້າວເຂົ້າສູ່ ປີ 2023, ການຮ່ວມມື ໃນພາກພື້ນ ອາຊີ ໄດ້ພົບໂອກາດ ດ້ານ ການ ພັດທະນາໃໝ່ ຄື: RCEP ໄດ້ຮັບການຈັດຕັ້ງ ປະຕິບັດ ຢ່າງຮອບດ້ານ ຢູ່ຫລາຍປະເທດ ສະມາຊິກ ອາຊຽນ ເຊັ່ນ: ອິນໂດເນເຊຍ ແລະ ຟີລິບປິນ ເປັນຕົ້ນ, ໂດຍສະເພາະ ແມ່ນເສດຖະກິດຈີນ ໄດ້ຟື້ນຕົວຄືນ ຢ່າງວ່ອງໄວ ແລະ ການຫັນເປັນ ທັນສະໄໝ ແບບຈີນ ໄດ້ຮັບການຊຸກຍູ້ ແລະ ມີຄວາມ ຄືບໜ້າ ຢ່າງໜັກແໜ້ນ ແລະ ຈະເປັນພະລັງ ຂັບເຄື່ອນ ທີ່ແຂງແຮງ ກວ່າເກົ່າ ໃຫ້ແກ່ ການເຕີບໂຕ ທາງເສດຖະກິດ ຂອງພາກພື້ນ ອາຊີ./.
(ບັນນາທິການຂ່າວ: ຕ່າງປະເທດ), ຮຽບຮຽງຂ່າວໂດຍ: ສະໄຫວ ລາດປາກດີ
