ຕາມຂ່າວຈາກວິທະຍຸສາກົນ ແຫ່ງ ສປ ຈີນ, ວັນທີ 27 ມີນານີ້ ກະຊວງອຸດສາຫະກຳ ແລະ ເຕັກໂນໂລຊີຂໍ້ມູນຂ່າວສານ ຂອງ ສປ ຈີນ ເປີດເຜີຍວ່າ: ນັບແຕ່ເດືອນມັງກອນ ຫາເດືອນ ກຸມພາ ປີນີ້, ຂະແໜງການບໍລິການດ້ານຊອບແວ ແລະ ເຕັກໂນໂລຊີ ຂໍ້ມູນຂ່າວສານ ຂອງ ສປ ຈີນ ໄດ້ພັດທະນາ ໄປສູ່ ທິດທາງ ທີ່ດີ ຢ່າງໜັກແໜ້ນ, ລາຍຮັບຈາກທຸລະກິດຊອບແວ ໄດ້ບັນລຸເຖິງ 1.446 ຕື້ກວ່າຢວນ, ເພີ່ມຂຶ້ນ 11% ເມື່ອ ທຽບໃສ່ ປີກາຍ, ກຳໄລຂະແໜງ ການຊອບແວ ໄດ້ບັນລຸເຖິງ 176 ຕື້ກວ່າ ຢວນ, ເພີ່ມຂຶ້ນ 12,2% ແລະ ຂົງເຂດຍ່ອຍ ໃນຂະແໜງ ການບໍລິການ ຊອບແວ ແລະ ເຕັກໂນໂລຊີ ຂໍ້ມູນ ຂ່າວສານ ກໍໄດ້ພັດທະນາ ໄປສູ່ທິດທາງທີ່ດີ ລວມທັງລາຍຮັບ ຈາກຜະລິດຕະພັນຊອບແວໄດ້ບັນລຸເຖິງ 337 ຕື້ກວ່າຢວນ, ເພີ່ມຂຶ້ນ 9,5% ແລະ ລາຍຮັບຈາກການບໍລິການເຕັກໂນໂລຊີຂໍ້ມູນຂ່າວສານ ໄດ້ບັນລຸ ເຖິງ 943 ຕື້ກວ່າຢວນ, ເພີ່ມຂຶ້ນ 11,6% ເມື່ອທຽບໃສ່ ປີກາຍ./.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
