ແຫລ່ງນະຄອນ ໄກສອນ ພົມວິຫານ ແຂວງສະຫວັນນະເຂດ ໃຫ້ຮູ້ວ່າ: ຕອນບ່າຍວັນທີ 7 ມີນາ 2023, ຄະນະສະຫະພັນແມ່ຍິງ ນະຄອນ ໄກສອນ ພົມວິຫານ ຮ່ວມກັບຄະນະພັກ,ຄະ ນະປົກຄອງນະຄອນ ສະເຫລີມສະຫລອງວັນແມ່ຍິງສາກົນ ຄົບຮອບ 113 ປີ ແລະ ຈັດກິດຈະກໍາເຕັ້ນເອໂລບິກ.
ທ່ານ ປະສົງສິນ ຈະເລີນສຸກ ເຈົ້ານະຄອນ ໄກສອນ ພົມວິຫານ ໄດ້ໃຫ້ຮູ້ວ່າ: ກິດຈະກຳຄັ້ງນີ້, ເພື່ອຮັດແໜ້ນຄວາມສາມັກຄີ ລະຫວ່າງຄະນະພັກ ກັບ ອົງການຈັດຕັ້ງແມ່ຍິງ-ຊາວໜຸ່ມ ໃຫ້ນັບມື້ມີຄວາມເຂັ້ມແຂງໜັກແໜ້ນຂຶ້ນເລື້ອຍໆ, ທັງເປັນການເສີມຂະຫຍາຍ ບົດບາດລະຫວ່າງຍິງ-ຊາຍ, ເປັນການອອກກຳລັງກາຍ ເຮັດໃຫ້ສຸຂະພາບແຂງແຮງ ພ້ອມສືບຕໍ່ປະຕິບັດໜ້າທີ່ວຽກງານອັນມີກຽດສະ ຫງ່າທີ່ພັກ,ລັດ ຂັ້ນເທິງມອບໝາຍໃຫ້ ຢ່າງມີຜົນສຳເລັດ.
ຂ່າວ-ພາບ: ນະຄອນ ໄກສອນ ພົມວິຫານ
