ຕາມຂ່າວຈາກຣອຍເຕີ ວັນທີ 2 ມີນານີ້, ກະຊວງສາທາລະນະສຸກຂອງຍີ່ປຸ່ນ ເປີດເຜີຍຂໍ້ມູນເດັກເກີດໃໝ່ ໃນປີ 2022 ມີຈຳນວນ 799.728 ຄົນ ຫລຸດລົງຈາກປີ 2021 ກວມເອົາ 5,1% ຖືກວ່າຕ່ຳສຸດໃນຮອບ 7 ປີ ຜ່ານມາ. ສ່ວນຕົວເລກຜູ້ເສຍຊີວິດເພີ່ມຂຶ້ນ 8,9% ກວມເອົາ 1,58 ລ້ານຄົນ ໃນໄລຍະດຽວກັນ.
ອັດຕາການເກີດຫລຸດລົງນັ້ນໝາຍເຖິງຍີ່ປຸ່ນ ຈະມີແຮງງານ ແລະ ຜູ້ເສຍພາສີໜ້ອຍລົງ ສຳລັບການໜູນຊ່ວຍເສດຖະກິດໃນຊຸມປີຕໍ່ໜ້າ. ນອກນີ້ຄ່າໃຊ້ຈ່າຍທີ່ເພີ່ມຂຶ້ນໃນການເບິ່ງແຍງຜູ້ສູງອາຍຸ ຊຶ່ງເປັນອັດຕາສ່ວນຂອງປະຊາກອນທີ່ສູງກວ່າໃນປະເທດອື່ນພວມເຮັດໃຫ້ເງິນກອງທຶນຂອງປະເທດໝົດໄປ ແລະ ອາດສົ່ງຜົນໃຫ້ຍີ່ປຸ່ນເປັນປະເທດທີ່ມີໜີ້ສິນຫລາຍທີ່ສຸດໃນໂລກ.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
