ສຳນັກຂ່າວຊິນຮວາຂອງ ສປ ຈີນ ວັນທີ 3 ມີນານີ້ ໜ່ວຍງານລັດວິສາຫະກິດດ້ານນ້ຳມັນ ຂອງ ສປ ຈີນ ຄົ້ນພົບແຫລ່ງນ້ຳມັນ ແລະ ອາຍແກັສໃນທະເລໂປ໋ໄຫ່ (Bohai) ມີປະລິມານສຳຮອງນ້ຳມັນດິບ ແລະ ອາຍແກັສ ທຳມະຊາດສູງເກີນ 100 ລ້ານໂຕນທຽບເທົ່ານ້ຳມັນ. ສະເພາະບໍ່ນ້ຳມັນໂປ໋ຈົງ (Bozhong) 26-6 ຕັ້ງຢູ່ໃນເຂດນ່ານນ້ຳທາງໃຕ້ຂອງທະເລ Bohai ມີຄວາມເລິກສະເລ່ຍ 22,1 ແມັດ, ຫ່າງຈາກເທດສະບານເມືອງທຽນຈິນ (Tianjin) ທາງພາກເໜືອ ຂອງ ສປ ຈີນ ປະມານ 170 ກິໂລແມັດ. ບໍ່ນ້ຳມັນ ແຫ່ງນີ້ມີປະລິມານສຳຮອງນ້ຳມັນດິບ ແລະ ອາຍແກັສທຳມະຊາດ ສູງເກີນ 130 ລ້ານໂຕນ ທຽບເທົ່ານ້ຳມັນ ຊຶ່ງຈະສາມາດຜະລິດນ້ຳມັນດິບຫລາຍກວ່າ 20 ລ້ານໂຕນ ແລະ ອາຍແກັສທຳມະຊາດຫລາຍກວ່າ 9 ຕື້ແມັດກ້ອນ ຫາກອ້າງອີງອັດຕາການນຳມາໃຊ້ຕາມປົກກະຕິ. ນອກນີ້ຍັງເປັນການຂະຫຍາຍໂອກາດຂອງການສຳຫລວດນ້ຳມັນ ແລະ ອາຍແກັສໃນພື້ນທີ່ດັ່ງກ່າວໃຫ້ຫລາຍຂຶ້ນ.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
