ການກຳເນີດຂອງພັກປະຊາຊົນປະຕິວັດລາວ

(ຊົມເຊີຍວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 68 ປີ 22 ມີນາ 1955-22 ມີນາ 2023)

*ທ້າຍສະຕະວັດທີ XIX, ພວກລ່າເມືອງຂຶ້ນໄດ້ເຂົ້າມາຍຶດຄອງປະເທດລາວ, ຫວຽດນາມ, ກໍາປູເຈຍ ເປັນຫົວເມືອງຂຶ້ນຂອງ ພວກເຂົາ, ພາຍໃຕ້ແອກປົກຄອງ ຂອງພວກລ່າເມືອງຂຶ້ນຝຣັ່ງ ປະຊາຊົນອິນດູຈີນໄດ້ຖືກກົດ ຂີ່ຂູດຮີດຢ່າງໜ່ກໜ່ວງແສນ ສາຫັດ; ດ້ວຍຈິດໃຈຮັກຊາດ, ບໍ່ ຍອມເປັນຂ້ອຍຂ້າ, ປະຊາຊົນລາວບັນດາເຜົ່າ ຢູ່ຫລາຍບໍລິເວນໂດຍພາຍໃຕ້ການເປັນຄັນທຸງ ຂອງບັນພະບູລຸດທີ່ຮັກຊາດ ໄດ້ລຸກຮືຂຶ້ນຕໍ່ສູ້ຢ່າງເດັດດ່ຽວ ພິລະອາດຫານ, ແຕ່ຂະບວນຕໍ່ສູ້ເຫລົ່ານັ້ນ ລ້ວນແຕ່ຖືກປາບປາມຢ່າງໂຫດຮ້າຍປ່າເຖື່ອນ.