ຕາມຂ່າວຈາກວິທະຍຸສາກົນຫວຽດນາມ ວັນທີ 26 ກຸມພານີ້ ກອງປະຊຸມຄັ້ງທີ 30 ຂອງຄະນະກຳມະການຮ່ວມມືສອງຝ່າຍ ສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ແລະ ສະຫະພາບເອີຣົບ (ອີຢູ) ຈັດຂຶ້ນຢູ່ນະຄອນຫລວງຈາກາຕາ ຂອງອິນໂດເນເຊຍ ໄດ້ອັດລົງດ້ວຍຜົນສຳເລັດຢ່າງຈົບງາມ, ໂດຍທັງສອງຝ່າຍໄດ້ອອກຖະແຫລງການຮ່ວມຢັ້ງຢືນຄຳໝັ້ນ ສັນຍາເພີ່ມທະວີການຮ່ວມມືລະຫວ່າງອາຊຽນ-ອີຢູຄືນໃໝ່ ແລະ ຮັກສາບົດບາດໃຈກາງຂອງອາຊຽນ ໂດຍອີງໃສ່ບັນດາ ຫລັກການພື້ນຖານທີ່ຄ້າຍຄືກັນໃນການສຳຜັດມະຫາສະໝຸດອິນເດຍ-ປາຊີຟິກ ຂອງແຕ່ລະຝ່າຍ. ນອກນີ້ຍັງຕົກລົງເຫັນດີ ເປັນເອກະພາບຊອກຮູ້ຄວາມສາມາດບົ່ມຊ້ອນ ໃນການຮ່ວມມື ໃນ 4 ຂົງເຂດບຸລິມະສິດຂອງວິໄສທັດອາຊຽນ ກ່ຽວກັບ ມະຫາສະໝຸດອິນ ເດຍ-ປາຊີຟິກ, ເໝາະສົມກັບບັນດາຫລັກການສົນທິສັນຍາໄມຕີຈິດມິດຕະພາບ ແລະ ການຮ່ວມມືຢູ່ ອາຊີຕາເວັນອອກສ່ຽງໃຕ້ (TAC) ກົດບັດອາຊຽນ ແລະ AOIP ແລະ ເລີ່ມປະຕິບັດຂໍ້ລິເລີ່ມຂອງກຸ່ມເອີຣົບ ກ່ຽວກັບການ ເຊື່ອມຕໍ່ແບບຍືນຍົງ ແລະ ຜັນຂະຫຍາຍຂໍ້ລິ້ເລີ່ມສີຂຽວຂອງກຸ່ມເອີຣົບ ເພື່ອແນໃສ່ເພີ່ມທະວີການຮ່ວມມືອາຊຽນ ແລະ ອີຢູ ດ້ວຍບັນດາໂຄງການລະອຽດ ລະດັບພາກພື້ນ ແລະ ລະດັບຊາດ, ພ້ອມທັງຊົມເຊີຍບ້ວງເງິນປະກອບສ່ວນປະມານ 10 ຕື້ເອີໂຣ ຂອງອີຢູ ໃຫ້ແກ່ການຜັນຂະຫຍາຍຂໍ້ລິເລີ່ມ “ປະຕູຂອງທົ່ວໂລກ” ຂອງອີຢູໃນພາກພື້ນອາຊຽນ. ໂດຍສອງຝ່າຍກໍ່ຢັ້ງຢືນ ຄວາມສຳຄັນ ແລະ ຄຳໝັ້ນສັນຍາ ສຳລັບໂຄງການດຳເນີນງານ 2030 ແລະ ພັດທະນາແບບຍືນຍົງ, ສົນທິສັນຍາແມ່ ສປຊ ກ່ຽວກັບການປ່ຽນແປງຂອງດິນຟ້າອາກາດ (UNFCCC), ຂໍ້ຕົກລົງປາຣີ (COP21), ສົນທິສັນຍາ ກ່ຽວກັບຊີວະນາໆ ພັນ (CBD) ແລະ ຂອບຊີວະນາໆ ພັນທົ່ວ ໂລກ ໂກນມິນ-Montreal.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
