ຕາມຂ່າວຈາກ ວິທະຍຸ ສາກົນ ຫວຽດນາມ,ການພົວພັນ ລະຫວ່າງ ອາຊຽນ ແລະ ສປ ຈີນ ໄດ້ປັບປຸງ ການພົວພັນ ຄູ່ຮ່ວມມື ຍຸດທະສາດ ຮອບດ້ານ ບົນພື້ນ ຖານ ຄວາມເຊື່ອໝັ້ນ ເຊິ່ງກັນ ແລະ ກັນ. ພາຍຫລັງ ທ່ານ Kao Kim Hourn ເລຂາທິການໃຫຍ່ ອາຊຽນ ໄດ້ພົບປະກັບ ທ່ານ Qin Gang, ລັດຖະມົນຕີ ກະຊວງ ການຕ່າງ ປະເທດ ສປ ຈີນ ໃນວັນທີ 22 ກຸມພານີ້, ຢູ່ນະຄອນຫລວງ ຈາກາຕາ ຂອງ ອິນໂດເນເຊຍ. ຂະນະທີ່ ສປ ຈີນ ຈະສືບຕໍ່ຖື ອາຊຽນ ເປັນບຸລິມະສິດໜຶ່ງ ໃນນະໂຍບາຍ ການຕ່າງ ປະເທດ ບ້ານໃກ້ ເຮືອນຄຽງ, ເດັດດ່ຽວ ສະໜັບ ສະໜູນ ຄວາມເປັນ ເອກະພາບຂອງ ອາຊຽນ ແລະ ສ້າງປະຊາຄົມ ອາຊຽນ, ປັບປຸງ ການພົວພັນ ຄູ່ຮ່ວມມື ຍຸດທະສາດ ຮອບດ້ານ ລະຫວ່າງ ສອງຝ່າຍ ໃຫ້ແໜ້ນແຟ້ນ ຍິ່ງຂຶ້ນ ໃນໄລຍະໃໝ່ ເນື່ອງຈາກ ອາຊຽນ ແມ່ນໜຶ່ງ ໃນບັນດາ ອົງການ ຮ່ວມມື ພາກພື້ນ ທີ່ປະສົບ ຜົນສຳເລັດ ທີ່ສຸດ ແລະ ມີທີ່ຕັ້ງ ນັບມື້ ນັບສຳຄັນ ໃນສະພາບ ການໂລກ, ພາກພື້ນ ພວມມີ ການປ່ຽນແປງ ຢ່າງເລິກເຊິ່ງ./.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
