ການແຂ່ງຂັນກີລາຍົກນໍ້າໜັກ ຊຽງຂວາງ ພາຣາ ເກມ 2023 ມື້ສຸດທ້າຍ ມີຂຶ້ນວັນທີ 15 ກຸມພາ 2023 ທີ່ພະແນກແຜນການ ແລະ ການລົງທຶນ ແຂວງຊຽງຂວາງ ມີການຊີງໄຊທັງໝົດ 6 ລາຍການ ໃຫ້ກຽດເຂົ້າຮ່ວມ ແລະ ມອບຫຼຽນຕ່າງໆໂດຍທ່ານ ນາງ ຂັນທະລີ ສີຣິພົງພັນ ຮອງລັດຖະມົນຕີ ກະຊວງສຶກສາທິການ ແລະ ກີລາ ຫຼື ສສກ ປະທານຄະນະກຳມະການພາຣາແລມປິກແຫ່ງຊາດລາວ ທັງເປັນຮອງປະທານຈັດງານ ຊຽງຂວາງ ພາຣາເກມ ແລະ ທ່ານ ບົວເງິນ ຫຸມໄຊຍະພົມ ຮອງເຈົ້າແຂວງຊຽງຂວາງ ທັງເປັນຮອງປະທານຈັດງານ ຊຽງຂວາງ ພາຣາເກມ ມີບັນດາການນຳຂັ້ນແຂວງ ແລະ ທ້ອງຖິ່ນ ຄະນະນຳ ຄູເຝິກນັກກີລາ ແລະ ມວນຊົນເຂົ້າຮ່ວມ.
ຜ່ານການແຂ່ງຂັນຜົນປາກົດວ່າ: ຮຸ່ນນໍ້າໜັກ 72 ກິໂລ ທ້າວ ນ້ອຍ ສີໂສພາ ຈາກນະຄອນຫຼວງ (ນວ) ຍາດໄດ້ 2 ຫຼຽນຄຳ ຈາກຜົນການຍົກ 2 ຄັ້ງ ຈາກຄະແນນລວມ ແລະ ຄະແນນສູງສຸດ ທ້າວ ສົງການ ດວງຫາວິໄລ ຈາກແຂວງໄຊສົມບູນ ໄດ້ 2 ຫຼຽນເງິນ ຈາກຄະແນນລວມ ແລະ ຄະແນນສູງສຸດ ທ້າວ ສົມທອງ ຫຼ້າມະນີ ຈາກແຂວງຜົ້ງສາລີ ໄດ້ 2 ຫຼຽນທອງ ຈາກຄະແນນລວມ ແລະ ຄະແນນສູງສຸດ ຮຸ່ນນໍ້າໜັກ 80 ກິໂລ ທ້າວ ພຸດທະວົງ ສີສະແຫວງສຸກ ຈາກແຂວງຄໍາມ່ວນ ຍາດໄດ້ 2 ຫຼຽນຄຳ ຈາກຜົນການຍົກ 2 ຄັ້ງ ຈາກຄະແນນລວມ ແລະ ຄະແນນສູງສຸດ ແລະ ທ້າວ ຄຳສຸກ ໄຊ ຈາກແຂວງຜົ້ງສາລີ ໄດ້ 2 ຫຼຽນເງິນ ຈາກຄະແນນລວມ ແລະ ຄະແນນສູງສຸດ ຮຸ່ນນໍ້າໜັກ 59 ກິໂລ ທ້າວ ແນ໋ ຄຳຟອງ ຈາກແຂວງໄຊສົມບູນ ຍາດໄດ້ 1 ຫຼຽນຄຳ ຈາກຄະແນນສູງສຸດ ແລະ 1 ຫຼຽນເງິນ ຈາກຄະແນນລວມ ທ້າວ ຄຳນ້ອຍ ບາດາກ ຈາກແຂວງເຊກອງ ຍາດໄດ້ 1 ຫຼຽນເງິນ ຈາກຄະແນນລວມ ແລະ ທ້າວ ຄຳເກັ່ງ ພົມມະວົງ ຈາກແຂວງສະຫວັນນະເຂດ ໄດ້ 1 ຫຼຽນທອງ ຈາກຄະແນນລວມ ແລະ ໃນຮຸ່ນດຽວກັນ ຫຼຽນຄຳ ຄະແນນສູງສຸດ ເປັນຂອງທ້າວ ຈັນທອມ ຈາກ ນວ ແລະ ຫຼຽນເງິນຄະແນນສູງສຸດ ແມ່ນທ້າວ ຄຳພິວ ທັນຍະສິດ ຈາກແຂວງຜົ້ງສາລີ.
ສ່ວນຮຸ່ນນໍ້າໜັກ 65 ກິໂລ ທ້າວ ສຸກ ທະວຽງ ຈາກແຂວງຜົ້ງສາລີ ຍາດໄດ້ 2 ຫຼຽນຄຳ ຈາກຜົນການຍົກ 2 ຄັ້ງ ຈາກຄະແນນລວມ ແລະ ຄະແນນສູງສຸດ ທ້າວ ສຸດໃຈ ສາຍຕີ ຈາກ ນວ ໄດ້ 2 ຫຼຽນເງິນ ຈາກຄະແນນລວມ ແລະ ຄະແນນສູງສຸດ ທ້າວ ສີ ຢ່າງ ຈາກແຂວງໄຊສົມບູນ ໄດ້ 2 ຫຼຽນທອງ ຈາກຄະແນນລວມ ແລະ ຄະແນນສູງສຸດ ການແຂ່ງຂັນກີລາຍົກນໍ້າໜັກ ຊຽງຂວາງ ພາຣາເກມ 2023 ຊຶ່ງມີການຊີງໄຊກັນທັງໝົດ 16ຫຼຽນຄຳ ມີນັກກີລາຈາກ 13 ແຂວງ ແລະ 1 ນະຄອນຫຼວງ ມີນັກກິລາຊາຍ 44 ຄົນ ແລະ ນັກກິລາຍິງ 6 ຄົນ ອັນດັບທີ 1 ແມ່ນ ນວ ຄອງເຈົ້າຫຼຽນຄຳ ໂດຍສາມາດຍາດໄດ້ 5 ຫຼຽນຄຳ 6 ຫຼຽນເງິນ ອັນດັບທີ 2 ແຂວງຜົ້ງສາລີ ຍາດໄດ້ 2 ຫຼຽນຄຳ2 ຫຼຽນເງິນ ແລະ 2 ຫຼຽນທອງ ອັນດັບທີ 3 ຮ່ວມ ແຂວງຄຳມ່ວນ ແລະ ແຂວງວຽງຈັນ ຍາດໄດ້ 2 ຫຼຽນຄຳ ແລະ 2 ຫຼຽນເງິນ ເທົ່າກັນ ອັນດັບທີ 4 ແຂວງເຊກອງ 2 ຫຼຽນຄໍາ 1 ຫຼຽນເງິນ ແລະ 1 ຫຼຽນທອງ ແລະ ອັນດັບທີ 5 ແຂວງບໍລິຄໍາໄຊ ຍາດໄດ້ 2 ຫຼຽນຄຳ ແລະ ແຂວງໄຊສົມບູນ 1 ຫຼຽນຄໍາ 3 ຫຼຽນເງິນ ແລະ 2 ຫຼຽນທອງ
