ພິທີມອບບັດພະນັກງານໄອຍະການປະຊາຊົນຂັ້ນ I ຈໍານວນ 82 ທ່ານ, ຍິງ 10 ທ່ານ, ຈັດຂຶ້ນໃນວັນທີ 14 ກຸມພາ 2023 ໃຫ້ກຽດມອບໂດຍ ທ່ານ ໄຊຊະນະ ໂຄດພູທອນ ຫົວໜ້າອົງການໄອຍະການປະຊາຊົນສູງສຸດ(ອອປສ), ມີຮອງຫົວໜ້າອົງການໄອຍະການປະຊາຊົນສູງສຸດ, ຫົວໜ້າອົງການໄອຍະການທະຫານຂັ້ນສູງ, ຄະນະນຳຫ້ອງການ, ສະຖາບັນຄົ້ນຄວ້າ ແລະ ຝຶກອົບຮົມໄອຍະການ, ບັນດາກົມ ອົງການໄອຍະການປະຊາຊົນສູງສຸດ, ຄະນະນຳ-ພະນັກງານ ອົງການໄອຍະການປະຊາຊົນ ພາກ, ແຂວງ, ນະຄອລຫຼວງວຽງຈັນ, ອົງການໄອຍະການປະຊາຊົນເຂດ ແລະ ຄະນະນຳ, ພະນັກງານ ອົງການໄອຍະການທະຫານ ແລະ ອົງການໄອຍະການປະຊາຊົນທ້ອງຖິ່ນ, ພະນັກງານໄອຍະການປະຊາຊົນຂັ້ນ I ທົ່ວປະເທດ ເຂົ້າຮ່ວມ ໃນຮູບແບບເຊິ່ງໜ້າ ແລະ ແບບອອນລາຍ.
ການມອບບັດໃນຄັ້ງນີ້, ເປັນການຈັດຕັ້ງປະຕິບັດຕາມກົດໝາຍວ່າດ້ວຍອົງການໄອຍະການປະຊາຊົນ ຊຶ່ງບັດດັ່ງກ່າວ ໄດ້ກຳນົດໄວ້ວ່າ: ບັດນີ້ນໍາໃຊ້ໃນການປະຕິບັດສິດ ແລະ ໜ້າທີ່ ຂອງອົງການໄອຍະການປະຊາຊົນຕາມກົດໝາຍ; ທຸກພາກສ່ວນທີ່ກ່ຽວຂ້ອງ ຈົ່ງໃຫ້ຄວາມສະດວກແກ່ຜູ້ກ່ຽວໃນການປະຕິບັດໜ້າທີ່; ຫ້າມນໍາໃຊ້ບັດນີ້ ໄປເຄື່ອນໄຫວໂດຍບໍ່ຖືກຕ້ອງ ແລະ ຫ້າມມອບບັດນີ້ໃຫ້ບຸກຄົນອື່ນນໍາໃຊ້; ໃນກໍລະນີມີການລະເມີດ ຈະຖືກຖອນບັດຄືນ ແລະ ຖືກປະຕິບັດວິໄນ ຕາມກົດໝາຍ ຊຶ່ງຈະເປັນການຮັບປະກັນ ໃຫ້ພາ ລະບົດບາດ, ສິດ ແລະ ໜ້າທີ່ຂອງອົງການໄອຍະການໄອຍະການປະຊາຊົນ ໄດ້ຮັບການ ຈັດຕັ້ງປະຕິບັດ ຢ່າງຖືກຕ້ອງ, ເປັນເອກະພາບ ແລະ ໄດ້ຮັບຜົນດີ, ຍົກສູງຄວາມມີລະ ບຽບວິໄນ, ສະຕິຕໍ່ການຈັດຕັ້ງ ແລະ ຄວາມຮັບຜິດຊອບ ຂອງພະນັກງານ ອົງການໄອຍະການປະຊາຊົນ ໃນການປະຕິບັດໜ້າທີ່ຂອງຕົນ ຕາມກົດໝາຍ ຢ່າງສັກສິດ.
ຂ່າວ: ອອປສ
