ຕາມຂ່າວຈາກວິທະຍຸສາກົນແຫ່ງ ສປ ຈີນ, ເມື່ອບໍ່ດົນມານີ້ກອງທຶນເງິນຕາສາກົນ (IMF) ໄດ້ເຜີຍແຜ່ “ບົດລາຍງານແລມອງ ເສດຖະກິດໂລກ” ສະບັບປັບປຸງໂດຍຄາດຄະເນວ່າ: ເສດຖະກິດໂລກໃນປີ 2023 ຈະເຕີບໂຕ 2,9% ແລະ ຈະເຕີບໂຕ 3,1% ໃນປີ 2024. ເມື່ອທຽບໃສ່ “ບົດລາຍງານແລມອງເສດຖະກິດໂລກ” ທີ່ IMF ເຜີຍແຜ່ໃນເດືອນຕຸລາ ປີກາຍນີ້ ເນື້ອໃນປັບປຸງ ໄດ້ເພີ່ມຂຶ້ນ 0,2% ເມື່ອທຽບໃສ່ ການຄາດຄະເນການເຕີບໂຕເສດຖະກິດໂລກ ໃນປີ 2023 (ການຄາດຄະເນກ່ອນໜ້ານີ້ ແມ່ນ 2,7%), ແຕ່ຕ່ຳກວ່າລະດັບສະເລ່ຍທີ່ເປັນ 3,8% ໃນປະຫວັດສາດ (ໃນລະຫວ່າງ ປີ 2000 ຫາປີ 2019).
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
