ນໍ້າຖ້ວມ ມາເລເຊຍ ປະຊາຊົນ ບໍ່ມີທີ່ຢູ່ອາໄສ 5.000 ກວ່າຄົນ

ສຳນັກຂ່າວ ຊິນຮວາຂອງ ສປຈີນ, ວັນທີ 26 ມັງກອນ, ອ້າງຕາມ ຂໍ້ມູນຂອງ ລັດຖະບານ ມາເລເຊຍ ລະບຸວ່າ: ເກີດເຫດນໍ້າຖ້ວມ ໃນຫລາຍພື້ນທີ່ ຂອງ ປະເທດ ສົ່ງຜົນໃຫ້ ປະຊາຊົນ ໃນ 3 ລັດ ບໍ່ມີທີ່ຢູ່ອາໄສ ຫລາຍກວ່າ 5.000 ຄົນ. ສຳນັກສະວັດດີການ ສັງຄົມຂອງ ມາເລເຊຍ ລາຍງານວ່າ ລັດຍະໂຮ ເປັນເຂດ ທີ່ໄດ້ຮັບຜົນກະທົບ ຢ່າງໜັກທີ່ສຸດ ເຮັດໃຫ້ ປະຊາຊົນ ຕ້ອງອົບພະຍົບ ອອກຈາກ ທີ່ຢູ່ອາໄສ ຫລາຍກວ່າ 4.700 ຄົນ , ຖັດມາແມ່ນ ລັດຊາບາ ທາງຕອນ ເໜືອ ຂອງເກາະ ບໍຣນຽວ ລວມມີ 179 ຄົນ ແລະ ລັດປະຫັງ 138 ຄົນ.