ຂ່າວສານຊີອາໄອລາຍງານ ເມື່ອທ້າຍອາທິດຜ່ານມາ, ພິທີສຳເລັດສ້າງທ່າການບິນອະວະກາດແຫ່ງທຳອິດຂອງເອີຣົບໄດ້ຈັດຂຶ້ນຢູ່ສູນການບິນອະວະກາດ Esrange ຂອງປະເທດຊູແອັດ ຕັ້ງຢູ່ໃນວົງຂົ້ວໂລກເໜືອ. ທ່າການບິນອະວະກາດແຫ່ງນີ້ແມ່ນສິ່ງກໍ່ສ້າງສັງລວມທີ່ຍິງສົ່ງຍານອະວະກາດເຂົ້າສູ່ວົງໂຄຈອນທີ່ສ້າງຂຶ້ນໃໝ່ ຢູ່ສູນການບິນອະວະກາດ Esrange ຖືວ່າຈະປັບປຸງວິໄສທັດການບິນອະວະກາດຂອງເອີຣົບຄືນໃໝ່ຢ່າງເດັ່ນຊັດ.
ສູນຄົ້ນຄວ້າອະວະກາດຊູແອັດ ທີ່ເປັນອົງການຄຸ້ມຄອງສູນການບິນອະວະກາດລະບຸວ່າ ທ່າການບິນອະວະກາດແຫ່ງໃໝ່ນີ້ຈະເລີ່ມສົ່ງດາວທຽມຄັ້ງທຳອິດ ປະມານທ້າຍປີ 2023 ແລະ ຈະດຳເນີນການທົດລອງເຕັກນິກຈະຫຼວດແບບໝູນວຽນໃນປີຕໍ່ໄປ. ປະທານບໍລິຫານສູນຄົ້ນຄວ້າອະວະກາດຊູແອັດໄດ້ກ່າວໃນຖະແຫຼງການສະບັບໜຶ່ງວ່າ: ທ່າການບິນອະວະກາດທີ່ສ້າງຢູ່ແຜ່ນດິນໃຫຍ່ເອີຣົບແຫ່ງນີ້ຈະຊ່ວຍເຫຼືອເອີຣົບໃຫ້ມີຄວາມເຂັ້ມແຂງເພີ່ມຂຶ້ນໃນຂົງເຂດການບິນອະວະກາດ. ຄວາມສາມາດໃໝ່ທີ່ຈັດສັນດາວທຽມໃນວົງໂຄຈອນ, ຍິງສົ່ງຕາມຄວາມຮຽກຮ້ອງ ແລະ ການພັດທະນາຈະຫຼວດແບບໝູນວຽນ ຈະມີຜົນດີຕໍ່ການພັດທະນາເອີຣົບໃຫ້ມີຄວາມໝັ້ນຄົງກວ່າເກົ່າ, ມີກຳລັງແຂ່ງຂັນຫຼາຍກວ່າເກົ່າ ແລະ ພັດທະນາແບບຍືນຍົງໄດ້.
