ຈີນ ມີອັດຕາການວ່າງງານ ເກືອບ 6 %

ສຳນັກຂ່າວ ຊິນຮວາຂອງ ສປຈີນ ວັນທີ 15 ເດືອນທັນວາ ສຳນັກງານສະຖິຕິແຫ່ງຊາດ ຈີນ ເປີດເຜີຍວ່າ: ເດືອນພະຈິກ ຜ່ານມາ, ອັດຕາການວ່າງງານໃນເຂດຕົວເມືອງ ຂອງຈີນ ເພີ່ມຂຶ້ນ 5,7% ເມື່ອທຽບໃສ່ ເດືອນຕຸລາຜ່ານມາ. ສ່ວນຕົວເລກ ໃນໄລຍະ 11 ເດືອນຂອງປີນີ້ ສະເລ່ຍ 5,6%. ໂດຍອັດຕາການວ່າງງານທີ່ສຳຫລວດໃນກຸ່ມຄົນທີ່ມີອາຍຸ ລະຫວ່າງ 25-59 ປີ ຊຶ່ງຖືເປັນກຸ່ມຫລັກ ຂອງຕະຫລາດແຮງງານ ກວມເອົາ 5% ໃນເດືອນພະຈິກ ເພີ່ມຂຶ້ນຈາກ 4,7% ໃນເດືອນຕຸລາ . ສ່ວນ ອັດຕາການວ່າງງານໃນບັນດາເມືອງໃຫຍ່ 31 ແຫ່ງ ກວມເອົາ 6,7%. ແລະ ອື່ນໆ.