ຕາມຂ່າວCRI: ວັນທີ 23 ພະຈິກນີ້, ກະຊວງການຄ້າແລະອຸດສາຫະກຳສິງກະໂປໄດ້ປະກາດແຈ້ງການວ່າ: ຄາດຄະເນວ່າເສດຖະກິດຂອງສິງກະໂປໃນປີ 2023 ຈະເຕີບໂຕ 0,5% ຫາ 2,5%, ເຊິ່ງມີລະດັບການເຕີບໂຕຊ້າກວ່າປີ 2022 .
ແຈ້ງການລະບຸວ່າ: ເມື່ອພິຈາລະນາເບິ່ງການເຕີບໂຕດ້ານເສດຖະກິດຂອງສິງກະໂປໃນ 3 ໄຕມາດປີ 2022 ນີ້ແມ່ນຢູ່ໃນລະດັບ 4,2%, ບວກກັບສະພາບການພາຍໃນແລະສາກົນໃນຫວ່າງມໍ່ໆມານີ້, ຄາດຄະເນວ່າເສດຖະກິດຂອງສິງກະໂປໃນປີ 2022 ນີ້ຈະເຕີບໂຕ 3,5%, ຕ່ຳກວ່າ 7,6% ໃນປີ 2021.
ກະຊວງການຄ້າແລະອຸດສາຫະກຳສິງກະໂປຕີລາຄາວ່າ, ໃນປີ 2023 ກຸ່ມເສດຖະກິດຕົ້ນຕໍສ່ວນຫຼາຍໃນທົ່ວໂລກຈະມີການເຕີບໂຕດ້ານເສດຖະກິດຊ້າກວ່າປີ 2022, ສ່ວນການເຕີບໂຕດ້ານເສດຖະກິດຂອງເຂດໃຊ້ເງິນໂດຣາແລະເຂດໃຊ້ເງິນເອີໂຣຄາດຄະເນວ່າຈະຊ້າລົງຫຼາຍທີ່ສຸດ. ນອກນີ້, ບັນຫາຕ່ອງໂສ້ການສະໜອງໃນທົ່ວໂລຖືກຕັດຂາດກອາດຈະສືບຕໍ່ໄປຮອດປີ 2023.
