ຄະນະນຳກະຊວງປ້ອງກັນຄວາມສະຫງົບ (ປກສ) ນຳໂດຍທ່ານ ພົຕ ແອນ ອຸ່ນອານົງນຸດ ຮອງລັັັດຖະມົນຕີກະຊວງປ້ອງກັັນຄວາມສະຫງົບ ຫົວໜ້າກົມໃຫຍ່ສັນຕິບານ ພ້ອມຄະນະ ໄດ້ເຂົ້າຮ່ວມກອງປະຊຸມລະດັບສູງອາຊຽນ ວ່າດ້ວຍການຮ່ວມມືແກ້ໄຂຜູ້ທີ່ຫຼົບໜີຄະດີອາຍາ ທີ່ນະຄອນຫຼວງຮ່າໂນ້ຍ ສສ ຫວຽດນາມ ໃນວັນທີ 30 ກັນຍາ ຜ່ານມາ ເພື່ອແລກປ່ຽນທັດສະນະ, ບົດຮຽນ, ປະສົບການ ແລະ ສົ່ງເສີມການຮ່ວມມືລະຫວ່າງປະເທດ ໃນການແກ້ໄຂຜູ້ທີ່ຫຼົບໜີຄະດີອາຍາໃນພາກພື້ນ.
ໃນວາລະກອງປະຊຸມເຫັນວ່າການຮ່ວມມື, ການແລກປ່ຽນຂໍ້ມູນທີ່ຊັດເຈນ, ການພັດທະນາຂີດຄວາມສາມາດຂອງເຈົ້າໜ້າທີ່ຮັບຜິດຊອບວຽກງານດັ່ງກ່າວ, ມີຄວາມສຳຄັນ ແລະ ຈຳເປັນທີ່ສຸດ ໃນການແກ້ໄຂບັນຫາ. ພ້ອມນັ້ນ, ກອງປະຊຸມໄດ້ຮັບຮອງໃນດ້ານຫຼັກການ ແຜນປະຕິບັດງານຮ່ວມອາຊຽນ ວ່າດ້ວຍການຮ່ວມມືແກ້ໄຂຜູ້ທີ່ຫຼົບໜີຄະດີອາຍາ (Endorsed in principle ASEAN Joint Plan of Action on Enhanced Cooperation in Combatting Criminal Fugitives 2026-2035) ແລະ ຮັບຮອງເອົາຖະແຫຼງການຮ່ວມຂອງກອງປະຊຸມ.
ໂອກາດດັ່ງກ່າວ, ທ່ານຮອງລັດຖະມົນຕີກະຊວງປ້ອງກັນຄວາມສະຫງົບ ແລະ ບັນດາທ່ານຫົວໜ້າຄະນະຜູ້ແທນຈາກບັນດາປະເທດສະມາຊິກອາຊຽນ ແລະ ກອງເລຂາອາຊຽນ ໄດ້ເຂົ້າຢ້ຽມຂໍ່ານັບ ທ່ານ ເລ ມິງ ຮຶງ ນາຍົກລັດຖະມົນຕີ ສສ ຫວຽດນາມ ໂດຍທ່ານໄດ້ສະແດງຄວາມຍ້ອງຍໍຊົມເຊີຍ ແລະ ເຊື່ອໝັ້ນວ່າ ຜົນສຳເລັດຂອງກອງປະຊຸມດັ່ງກ່າວ ຈະປະກອບສ່ວນຮັດແໜ້ນການຮ່ວມມືໃນການແກ້ໄຂຜູ້ທີ່ຫຼົບໜີຄະດີອາຍາໃນພາກພື້ນ ໃຫ້ມີປະສິດທິພາບສູງຂຶ້ນ.
ແຫຼ່ງຂ່າວ: ປກສ
