ວິທະຍຸກະຈາຍສຽງຫວຽດນາມລາຍງານໃນວັນທີ 31 ສິງຫາ ຜ່ານມາວ່າ: ເພື່ອຂ່ຳນັບຮັບຕ້ອນການສະເຫຼີມສະຫຼອງ 81 ປີແຫ່ງວັນການປະຕິວັດເດືອນສິງຫາປະສົບຜົນສຳເລັດ ແລະ ວັນຊາດທີ 2 ກັນຍາ, ໃນຕອນຄ່ຳວັນທີ 30 ສິງຫາ ຜ່ານມາ ຢູ່ໂຮງລະຄອນໂຮ່ເກືອມ ນະຄອນຫຼວງຮ່າໂນ້ຍ, ກະຊວງຕຳຫຼວດໄດ້ປະສານສົມທົບກັບວາລະສານກອມມູນິດ ຈັດລາຍການສະແດງສິລະປະການເມືອງ “ດວງກາວເອກະລາດ” ປີ 2026. ມີທ່ານ ຈິ້ງວັນກວຽດ ຫົວໜ້າຄະນະໂຄສະນາສຶກສາສູນກາງ, ທ່ານ ເລືອງຕາມກວາງ ລັດຖະມົນຕີກະຊວງຕຳຫຼວດ, ທ່ານ ເລຮ່ວາຍຈຸງ ລັດຖະມົນຕີກະຊວງການຕ່າງປະເທດ ເຂົ້າຮ່ວມ. ໂດຍໄດ້ຈັດຂຶ້ນທຸກປີເລີ່ມແຕ່ປີ 2016, ດວງດາວເອກະລາດກາຍເປັນລາຍການສະແດງສິລະປະການເມືອງເຂັ້ມຂຸ້ນໄປດ້ວຍຂີດໝາຍ, ໂດຍນັກປະຕິວັດຜູ້ອາວຸໂສ, ນັກຮຽນຮູ້, ປັນຍາຊົນ, ພະນັກງານ, ສະມາຊິກພັກ, ນັກຮົບ ແລະ ປະຊາຊົນທຸກຊັ້ນຄົນລໍຄອຍຕ້ອນຮັບເມື່ອເດືອນສິງຫາວຽນມາ.
ດ້ວຍຫົວຂໍ້ “ແສງດວງດາວເອກະລາດ ຄວາມມຸ່ງຫວັງຫວຽດນາມ ເຂັ້ມແຂງ”, ລາຍການລວມມີ 3 ພາກ, ແມ່ນການປະສົມປະສານລະຫວ່າງຄູນຄ່າສັກກະລະບູຊາ, ອະມະຕະຂອງເອກະລາດ, ເສລີພາບດ້ວຍຄວາມຄາດຫວັງພັດທະນາວັດທະນາຖາວອນ, ສີວີໄລ, ມີຄວາມຜາສຸກຂອງຊາດ ຫວຽດນາມ ໃນສັງກາດໃໝ່; ວາດພາບຄືນວິວັດການ 81 ປີນັບແຕ່ເວລາລະດູໃບໄມ້ຫຼົ່ນເອກະລາດ, ເຊີດຊູບັນດາການເສຍສະຫຼະຊີວິດ, ການອຸທິດອັນຍິ່ງໃຫຍ່ຂອງຄົນຮຸ່ນພໍ່ຮຸ່ນອ້າຍທັງແມ່ນສັນຍາລັກຂອງອຸດົມການປະຕິວັດ, ຄວາມໄວ້ເນື້ອເຊື່ອໃຈ ແລະ ຄວາມເປັນທຳ, ທັງເປັນແສງເຍືອງທາງທີ່ໄດ້ຫຼໍ່ຫຼອມຈາກປະຫວັດສາດ, ໄດ້ມອບສິດຜ່ານຫຼາຍຮຸ່ນຄົນ ແລະ ພວມໄດ້ເຕົ້າໂຮມກາຍເປັນເຈດຈຳນົງ, ຄຸນນະ ທາດ, ປັນຍາຫວຽດນາມໃນວິວັດແຫ່ງການສ້າງສັນອະນາຄົດ.
