ວິທະຍຸກະຈາຍສຽງຫວຽດນາມ, ນັບແຕ່ວັນທີ 2 ສິງຫານີ້, ສະຫະພາບເອີຣົບ (ອີຢູ) ໄດ້ນຳໃຊ້ບັນດາຂໍ້ກຳນົດໃໝ່ຢ່າງເປັນທາງການຮຽກຮ້ອງໃຫ້ບັນດາວິສາຫະກິດຕິດສະແຕມຢ່າງຈະແຈ້ງ ສຳລັບເນື້ອໃນໂດຍປັນຍາປະດິດ (AI) ສ້າງຂຶ້ນ, ເພື່ອຊ່ວຍໃຫ້ຜູ້ນຳໃຊ້ງ່າຍໃນການຈຳແນກ ລະຫວ່າງເນື້ອໃນແທ້ ແລະ ເນື້ອໃນໂດຍ AI ສ້າງຂຶ້ນ ຫລື ດັດປັບ. ຕາມຂໍ້ກຳນົດໃນກົດໝາຍ AI (AI Act), ບັນດາວິສາຫະກິດທີ່ພັດທະນາ ຫລື ຜັນຂະຫຍາຍລະບົບ AI ຕ້ອງແຈ້ງໃຫ້ຜູ້ນຳໃຊ້ກ່ອນທີ່ເຂົາເຈົ້າຈະມີການປະຕິກິລິຍາ ກະທົບກັບ chatbot AI ຫລື ພາບ, ຄຣິບ, ສຽງ ແລະ ເອກະສານໂດຍ AI ສ້າງ. ຂໍ້ກຳນົດກໍ່ຮຽກຮ້ອງໃຫ້ມີການແຈ້ງເມື່ອ AI ຈະນຳໃຊ້ເພື່ອລະບຸ ຫລື ສ້າງບັນດາເນື້ອໃນກ່ຽວຂ້ອງເຖິງຜົນປະໂຫຍດສາທາລະນະທີ່ບໍ່ມີການກວດຄືນ, ຮຽບຮຽງຂອງມະນຸດ. ບັນດາລະບົບ AI ທີ່ໄດ້ຜັນຂະຫຍາຍກ່ອນນີ້ມີກຳນົດເວລາຮອດວັນທີ 2 ທັນວາ 2026 ເພື່ອສຳເລັດການປະຕິບັດຕາມ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
