ວິທະຍຸ ໂທລະພາບສູນກາງຈີນ, ເມື່ອບໍ່ດົນມານີ້ ເຮືອລາດຕະເວນຈີນ 53108 ທີ່ໄດ້ເຂົ້າຮ່ວມຝຶກອົບຮົມກັບ ສປປລາວ ແລະ ມຽນມາ ໄດ້ກັບຄືນສູ່ທ່າເຮືອຕຳຫລວດຈິງຮ່າ ຂອງກິ່ງແຂວງສິບສອງພັ່ນນາ ແຂວງຢູນນານ ຂອງ ສປຈີນ ຢ່າງສະດວກປອດໄພ ເຊິ່ງເປັນຂີດໝາຍສະແດງໃຫ້ເຫັນວ່າ: ການລາດຕະເວນຮ່ວມເພື່ອບັງຄັບໃຊ້ກົດໝາຍຕາມລຳແມ່ນ້ຳຂອງ ສປຈີນ-ສປປລາວ-ມຽນມາ-ໄທ ຄັ້ງທີ 166 ໄດ້ສິ້ນສຸດລົງດ້ວຍຜົນສຳເລັດຢ່າງຈົບງາມ ການເຄື່ອນໄຫວຄັ້ງນີ້ດໍາເນີນພາຍໃຕ້ຫົວຂໍ້ “ການຕ້ານຢາເສບຕິດແບບບໍ່ມີຊາຍແດນ, ຮ່ວມມືກັນກຳຈັດອັນຕະລາຍຈາກຢາເສບຕິດ” ພາກສ່ວນບັງຄັບໃຊ້ກົດໝາຍຂອງ ສປຈີນ, ສປປລາວ, ມຽນມາ ແລະ ໄທ ໄດ້ປະສານງານກັນຢ່າງໃກ້ຊິດ ແລະ ຮ່ວມກັນພະຍາຍາມສຳເລັດການເຄື່ອນໄຫວບັງຄັບໃຊ້ກົດໝາຍຕ່າງໆ ຢ່າງມີປະສິດທິພາບສູງ ເປັນຕົ້ນ: ການລາດຕະເວນຮ່ວມເພື່ອບັງຄັບໃຊ້ກົດໝາຍຕາມລຳແມ່ນ້ຳຂອງ, ການປຶກສາຫາລື ແລະ ແລກປ່ຽນຫລາຍຝ່າຍ, ຮ່ວມກັນໂຄສະນາ ກ່ຽວກັບການຕ້ານຢາເສບຕິດ ແລະ ການຝຶກຊ້ອມ ກ່ຽວກັບການປາບປາມຮ່ວມກັນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
