ທີມຊາດເຢຍລະມັນ ໂຊຟອມເກັ່ງຢ່າງໂດດເດັ່ນ ໃນນັດທຳອິດຂອງກຸ່ມ E, ຫຼັງຈາກໄລ່ຖົ່ມຖະຫຼົ່ມ ທີມຊາດຄູຣາຊາວ ໄປແບບຂາດລອຍ 7-1 ປະຕູ ເກັບ 3 ຄະແນນທຳອິດ ໃນການແຂ່ງຂັນເຕະບານໂລກ 2026 (FIFA World Cup 2026) ຮອບແບ່ງກຸ່ມ ນັດທຳອິດຂອງກຸ່ມ E ເມື່ອຄືນວັນທີ 14 ມິຖຸນາ 2026 ທີ່ຜ່ານມາ ທີ່ສະໜາມກິລາ ເອັນອາຈີ ສະເຕດ້ຽມ (NRG Stadium) ເມືອງຮິວຕັນ, ລັດເທັກຊັດ, ປະເທດສະຫະລັດອາເມລິກາ.
ເປີດເກມການແຂ່ງຂັນໄດ້ພຽງ 6 ນາທີ ເຢຍລະມັນກໍໄດ້ປະຕູຂຶ້ນນຳ ຈາກການຍິງຂອງ ເຟລິກ ເອັນເມຊາ (Felix Nmecha) ໃນນາທີ ທີ 6, ແຕ່ ລິວາໂນ ໂຄເມເນນເຊຍ (Livano Comenencia) ກໍມາຍິງຕີສະເໝີ ໃຫ້ ທີມຊາດ ຄູຣາຊາວ ໃນນາທີ 21, ຫຼັງຈາກນັ້ນ ເຢຍລະມັນຍິງ 6 ປະຕູລວດ ຈາກ ນິໂກ ຊະລັອດເຕີເບັກ (Nico Schlotterbeck) ໃນນາທີ 38, ໄຄ ຮາແວດ (Kai Havertz) (ຈຸດໂທດ) ນາທີ ທີ 45+5, ຈາມາວ ມູເຊຍລາ (Jamal Musiala) ນາທີທີ 47, ນາທານຽວ ບຣາວ (Nathaniel Brown) ນາທີ ທີ 68, ເດນິດ ອຸນດາບ (Deniz Undav) ນາທີ ທີ 78, ໄຄ ຮาແວດ (Kai Havertz) ນາທີ ທີ 88, ຈົບເກມ ເຢຍລະມັນຖະຫຼົ່ມ ຄູຣາຊາວ ໄປ 7-1 ປະຕູ, ເກັບ 3 ຄະແນນ ທຳອິດຢ່າງສວຍງາມ. ສຳລັບ ນັດຕໍ່ໄປຂອງກຸ່ມ E ຈະມີຂຶ້ນໃນວັນອາທິດ ທີ 21 ມິຖຸນາ 2026 ນີ້ ໂດຍ ທີມຊາດເຢຍລະມັນ ຈະພົບກັບ ທີມຊາດໄອວໍຣີ ໂຄດ ແລະ ທີມຊາດຄູຣາຊາວ ຈະພົບກັບ ທີມຊາດເອກວາດໍ.
