ກົງໂກ ປັບຫລຸດຍອດຜູ້ຕິດເຊື້ອພະຍາດ ອີໂບລາເຫລືອ 116 ຄົນ

ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ກະຊວງ ສາທາ ລະນະສຸກ ຂອງ ກົງໂກ ລາຍງານວ່າ: ຍອດຜູ້ຕ້ອງສົງໄສ ຕິດເຊື້ອພະຍາດ ອີໂບລາ ຍັງຢູ່ໃນ ລະຫວ່າງ ການສືບສວນ ພາຍໃນປະເທດ ຫລຸດລົງ ຢ່າງຫລວງຫລາຍ ເຫລືອພຽງ 116 ຄົນ. ທ່ານ ຄຣີສຕຽນລິນ ໄມເອີຣ ໂຄສົກ ອົງການ ອະນາໄມໂລກ (WHO) ເປີດເຜີຍ ຕົວເລກ ດັ່ງກ່າວ ຫລຸດລົງ ຫລັງຈາກ ຜູ້ຕິດເຊື້ອ ຕ້ອງສົງໄສຫລາຍຄົນ ທີ່ ເຄີຍລະບຸຊື່ ໄວ້ກ່ອນໜ້ານີ້ ໄດ້ຮັບການກວດ ແລະ ຢືນຢັນແລ້ວວ່າ ບໍ່ຕິດເຊື້ອ. ວັນທີ 27 ພືດສະພາ ຜ່ານມາ ກະຊວງ ສາທາລະນະສຸກ ຂອງກົງໂກ ໄດ້ເປີດເຜີຍ ຍອດຜູ້ຕິດເຊື້ອ ທີ່ຕ້ອງສົງໄສ ລວມມີ ຈຳນວນ 1.077 ຄົນ ໄລ່ເຖິງ ວັນທີ 26 ພືດສະພາ.