ຈີນ ສຳເລັດການຍິງສົ່ງດາວທຽມທົດລອງເຕັກໂນໂລຊີການສື່ສານ 24

ວິທະຍຸ-ໂທລະພາບສູນກາງຈີນ (CMG) ລາຍງານວ່າ: ໃນເວລາ 0 ໂມງ 16 ນາທີ ຂອງວັນທີ 27 ພຶດສະພາ 2026, ຈີນໄດ້ສຳເລັດການຍິງສົ່ງດາວທຽມທົດລອງເຕັກໂນໂລຊີການສື່ສານ 24 ດ້ວຍຈະຫຼວດສົ່ງຍານ ສາງເຈີ່ງ 7A ຢູ່ສະໜາມສົ່ງຍານອະວະກາດເວີນຊ່າງ. ຫຼັງຈາກນັ້ນ ດາວທຽມໄດ້ເຂົ້າສູ່ວົງໂຄຈອນທີ່ກຳນົດໄວ້ຢ່າງສະດວກ, ເຮັດໃຫ້ພາລະກິດສົ່ງຍານໄດ້ຮັບຜົນສຳເລັດຢ່າງຈົບງາມ. ດາວທຽມດັ່ງກ່າວຕົ້ນຕໍແມ່ນນຳໃຊ້ໃນການກວດສອບເຕັກໂນໂລຊີການສື່ສານຜ່ານດາວທຽມຄວາມໄວສູງໃນຫຼາຍຄື້ນ. ນີ້ແມ່ນການປະຕິບັດພາລະກິດຄັ້ງທີ 645 ຂອງຈະຫຼວດສົ່ງຍານສາງເຈີ່ງ.