ວິທະຍຸ ໂທລະພາບສູນກາງຈີນ, ທ່ານ ກົ່ວເຈ່ຍຄຸນ ໂຄສົກກະຊວງການຕ່າງປະເທດຈີນ ກ່າວວ່າ: ເພື່ອອຳນວຍຄວາມສະດວກໃຫ້ແກ່ການໄປມາຫາສູ່ ລະຫວ່າງ ປະຊາຊົນຈີນ-ຣັດເຊຍ, ສປ ຈີນຕົກລົງແກ່ຍາວເວລາປະຕິບັດນະໂຍບາຍຍົກເວັ້ນວີຊາຕໍ່ຣັດເຊຍໄປຮອດ ວັນທີ 31 ທັນວາປີ 2027. ຊາວຣັດເຊຍ ທີ່ຖືໜັງສືຜ່ານແດນທຳມະດາທີ່ມາດຳເນີນທຸລະກິດ, ທ່ອງທ່ຽວ, ຢ້ຽມຢາມຍາດພີ່ນ້ອງ, ແລກປ່ຽນ ແລະ ຜ່ານແດນຈີນ ໄປປະເທດທີ 3 ທີ່ພັກເຊົາຢູ່ ສປ ຈີນ ບໍ່ເກີນ 30 ວັນ ແມ່ນສາມາດເຂົ້າເມືອງຈີນ ໂດຍຍົກເວັ້ນວີຊາ. ຂະນະດຽວກັນ ທ່ານ ດິມີຕຣີ ເປັສຄົຟ ໂຄສົກປະທານາທິບໍດີ ຣັດເຊຍ ກ່າວວ່າ: ສຳລັບ ຣັດເຊຍ ກໍຈະແກ່ຍາວເວລາຍົກເວັ້ນວີຊາຕໍ່ພົນລະເມືອງຈີນ ເຊັ່ນດຽວກັນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
