ວິທະຍຸ ກະຈາຍສຽງ ຫວຽດນາມ, ວັນທີ 17 ພຶດສະພາ ແມ່ນວັນໂທລະຄົມມະນາຄົມ ແລະ ສັງຄົມຂ່າວສານໂລກ. ເນື່ອງໃນໂອກາດ ສະເຫລີມສະຫລອງວັນນີ້, ປີນີ້, ສະຫະພັນ ໂທລະຄົມມະນາຄົມ ສາກົນ (ITU) ໄດ້ເລືອກເອົາຫົວຂໍ້ “ເສັ້ນເລືອດດີຈີຕອນ ເພີ່ມທະວີ ຄວາມສາມາດຟື້ນຟູໃນໂລກ ແຫ່ງການເຊື່ອມຕໍ່”. ສານທີ່ໄດ້ຍົກອອກມາໃນສະພາບການໂລກ ພວມກ້າວເຂົ້າສູ່ ໄລຍະເອື່ອຍອີ່ງ ໃສ່ເຕັກໂນໂລຊີ ດີຈີຕອນ ແລະ ປັນຍາປະດິດ (AI) ທີ່ບໍ່ເຄີຍມີມາກ່ອນ.ໃນຊຸມປີມໍ່ໆນີ້, ໂລກ ໄດ້ເຫັນປະຈັກຕາຫລາຍເຫດການ ບຸກໂຈມຕີ ທາງອິນເຕີເນັດ ເຮັດໃຫ້ຢຸດຕິ ການຢູ່ເຮັດວຽກໂຮງໝໍ, ການເຄື່ອນໄຫວ ຢູ່ສະໜາມບິນ ຂາດວັກຂາດຕອນ ຫື ລະບົບໄຟຟ້າແຫ່ງຊາດ ຖືກຜົນສະທ້ອນ ຢ່າງຮ້າຍແຮງ. ເພາະສະນັ້ນ, “ຄວາມສາມາດ ໃນການຟື້ນຟູ” ພວມກາຍເປັນຄວາມຮຽກຮ້ອງ ຫລັກແຫລ່ງ ຂອງພື້ນຖານໂຄງລ່າງ ດີຈີຕອນລຸ້ນໃໝ່. ໃນໂລກແຫ່ງການເຊື່ອມຕໍ່ ຢ່າງເລິກເຊິ່ງຄືໃນປັດຈຸບັນ, ການປົກປ້ອງເສັ້ນເລືອດດີຈີຕອນ ບໍ່ພຽງແຕ່ແມ່ນການປົກປ້ອງ ອິນເຕີເນັດ ຫລື ຂໍ້ມູນເທົ່ານັ້ນ ຫາກຍັງແມ່ນ ການປົກປ້ອງການເຄື່ອນໄຫວ ທີ່ເປັນປົກກະຕິຂອງທົ່ວສັງຄົມອີກດ້ວຍ.ຕໍ່ໜ້າທ່າອ່ຽງທົ່ວໂລກນັ້ນ, ສສ ຫວຽດນາມ ພວມຍູ້ແຮງການໝູນໃຊ້ AI ໃນການພັດທະນາ ພື້ນຖານໂຄງລ່າງດີຈີຕອນ ແລະ ຫັນເປັນ ດີຈີຕອນແຫ່ງຊາດ. ດ້ວຍໂຄງການຫັນເປັນ ດີຈີຕອນແຫ່ງຊາດ ແລະ ຍຸດທະສາດແຫ່ງຊາດກ່ຽວກັບ AI, ມີຫລາຍວິສາຫະກິດ ເຕັກໂນໂລຢຊີໃຫຍ່ຂອງ ສສ ຫວຽດນາມ ພວມຄ່ອຍໆຫັນປ່ຽນ ຈາກບໍລິສັດສະໜອງການບໍລິການໂທລະຄົມມະນາຄົມ ແບບເກົ່າ ມາເປັນບໍລິສັດ ສະໜອງພື້ນຖານດີຈີຕອນ ແລະ ເຕັກໂນໂລຊີ ອັດສະລິຍະ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
