ລະບົບອາຫານ ແລະ ລໍາໄສ້ເຮັດວຽກຊ້າລົງ ເວລາອາຍຸຮອດຫຼັກ 4 ຂື້ນໄປ ສະນັ້ນ ມື້ນີ້ເຮົາຄວນເລືອກ **”ພືດທີ່ມີເຄມີ” (Phytochemicals)** ຢູ່ໃນຫມາກໄມ້ ແລະ ຜັກຫຼາຍຊະນິດ ທີ່ສາມາດຊ່ວຍຟື້ນຟູຮ່າງກາຍຈາກພາຍໃນສູ່ພາຍນອກໄດ້ ຊື່ງສານເຫຼົ່ານີ້ແມ່ນຂອງລໍ້າຄ່າຈາກທໍາມະຊາດ ທີ່ມອບໃຫ້ເພື່ອຕ້ານອະນຸມູນອິດສະຫຼະ ແລະ ໄປທຳລາຍເຊວທີ່ເສຍໃນຮ່າງກາຍໄດ້.
ມື້ນີ້ ເຮົາມີ 3 ສູດນ້ໍາຫມາກໄມ້ ທີ່ສາມາດເຮັດໃຫ້ “ລໍາໄສ້ສະອາດ ຜິວໃສ ເສີມພູມຄຸ້ມກັນ” ມາຝາກລຸ່ມນີ້:
**ສູດທີ 1 : ຊ່ວຍໃຫ້ລະບົບຂັບຖ່າຍ ຫຼຸດອາການແໜ້ນທ້ອງ**
ໃຊ້ **ປັ່ນໝາກນັດ ແລະ ໝາກກ້ຽງ**
* ຫມາກນັດມີ enzymes ທີ່ຊ່ວຍຍ່ອຍອາຫານໄດ້ດີ, ຫຼຸດອາການແໜ້ນທ້ອງ ແລະ ເຮັດໃຫ້ລະບົບຍ່ອຍອາຫານດີຂື້ນ.
**ສູດທີ 2: ເສີມພູມຄຸ້ມກັນ ກັບ ພູມແພ້**
ໃຊ້ **ປັ່ນຫມາກກ້ຽງ, ຫມາກນາວ ແລະ ແຄລອດ**
* ຈອກນີ້ມີວິຕາມິນຊີ ສູງຫຼາຍ ຊ່ວຍເສີມສ້າງຮ່າງກາຍໃຫ້ມີສຸຂະພາບດີ, ບໍ່ເຈັບປ່ວຍງ່າຍ ແລະ ແຄລອດ ຍັງຊ່ວຍໃຫ້ຜິວເບິ່ງເປັ່ງປະກາຍມີອໍລ້າ.
**ສູດທີ 3 : ລໍາໄສ້ສະອາດ ລະບົບຂັບຖ່າຍສະດວກ**
ໃຊ້ **ປັ່ນຫມາກມ່ວງ ຫມາກນາວ ແລະ ແຄລອດ** ຫຼື ຈະເລືອກ **ປັ່ນຫມາກກ້ຽງ ຫມາກຫຸ່ງ ແລະ ແຄລອດ** ກໍ່ດີຄືກັນ.
* ສູດນີ້ເນັ້ນໄຟເບີຫຼາຍພິເສດ ຊື່ງຈະເຮັດໃຫ້ລໍາໄສ້ສະອາດ ຫຼຸດອາການແໜ້ນທ້ອງ ເມື່ອລໍາໄສ້ສະອາດແລ້ວ ຜິວຂອງເຮົາກໍ່ຈະສົດໃສເຊັ່ນກັນ.
ການເບີ່ງແຍງສຸຂະພາບຕົນເອງເລີ່ມຕົ້ນງ່າຍໆ ໂດຍເລີ່ມເຮັດດ້ວຍຕົນເອງຢູ່ບ້ານດ້ວຍສ່ວນປະກອບຈາກທໍາມະຊາດ.
