ຂ່າວສານຊີອາໄອລາຍງານວ່າ: ຂໍ້ມູນຫຼ້າສຸດທີ່ອົງການສະຖິຕິສະຫະພາບເອີຣົບເປີດເຜີຍໃນວັນທີ 30 ເມສາຜ່ານມາ ສະແດງໃຫ້ເຫັນວ່າ: ການເຕີບໂຕດ້ານເສດຖະກິດຂອງເຂດທີ່ໃຊ້ເງິນເອີໂຣຊັກຊ້າ ແລະ ລະດັບເງິນເຟີ້ເພີ່ມຂຶ້ນ. ພາຍໃຕ້ສະພາບການປະທະກັນທີ່ເກີດຂຶ້ນຢູ່ພາກພື້ນຕາເວັນອອກກາງເຮັດໃຫ້ລາຄາພະລັງງານເພີ່ມຂຶ້ນຢ່າງວ່ອງໄວ, ອະນາຄົດຂອງເສດຖະກິດເຂດທີ່ໃຊ້ເງິນເອີໂຣບໍ່ຈະແຈ້ງ ແລະ ຄວາມສ່ຽງທີ່ເສດຖະກິດຢຸດຈຶ້ງຜະສົມຜະສານກັບພາວະເງິນເຟີ້ພວມເພີ່ມສູງຂຶ້ນ.
ນັກວິເຄາະເຫັນວ່າ: ການປະທະກັນທີ່ເກີດຂຶ້ນຢູ່ພາກພື້ນຕາເວັນອອກກາງເຮັດໃຫ້ການສະໜອງພະລັງງານໃນຂອບເຂດທົ່ວໂລກເຄັ່ງຕຶງຂຶ້ນ, ລາຄາສູງຂຶ້ນ ແລະ ບັ່ນທອນຄວາມໝັ້ນໃຈຂອງວິສາຫະກິດ ແລະ ຜູ້ບໍລິໂພກ. ອົງການກອງທຶນເງິນຕາສາກົນ ເຕືອນວ່າ: ລາຄາສິນຄ້າເພີ່ມສູງຂຶ້ນ ແລະ ການເຄື່ອນໄຫວດ້ານເສດຖະກິດຊ້າລົງພວມເຮັດໃຫ້ເຂດທີ່ໃຊ້ເງິນເອີໂຣກ້າວໄປສູ່ສະພາບທີ່ເສດຖະກິດຢຸດຈຶ້ງຜະສົມຜະສານກັບພາວະເງິນເຟີ້. ນັກເສດຖະສາດຫຼາຍທ່ານຊີ້ອອກວ່າ: ນະໂຍບາຍເງິນຕາຂອງທະນາຄານກາງເອີຣົບຈະພົບຄວາມຫຍຸ້ງຍາກໃນການຕັດສິນນະໂຍບາຍ, ຕ້ອງສະແຫວງຫາຄວາມດຸ່ນດ່ຽງລະຫວ່າງການສະກັດກັ້ນລະດັບເງິນເຟີ້ເພີ່ມຂຶ້ນ ແລະ ເສດຖະກິດເຕີບໂຕຊ້າລົງ.
