ຂ່າວສານຊີອາໄອລາຍງານວ່າ: ໃນວັນທີ 1 ພຶດສະພາ ຜ່ານມານີ້ (ຕາມເວລາທ້ອງຖິ່ນ), ເອກະສານສະບັບໜຶ່ງຂອງອົງການການຄ້າໂລກ ຫຼື WTO ສະແດງໃຫ້ເຫັນວ່າ: ຍ້ອນວ່າອາເມຣິກາໄດ້ຢຸດຕິການຈ່າຍຄ່າທຳນຽມສະມາຊິກອີກຄັ້ງ ແລະ ປະເທດສະມາຊິກນັບມື້ນັບຫຼາຍບໍ່ໄດ້ຈ່າຍຄ່າທຳນຽມຕາມເວລາກຳນົດ, WTO ກຽມຈະຕັດງົບປະມານລາຍຈ່າຍລົງ 10%, ມາດຕະການທີ່ກ່ຽວຂ້ອງລວມທັງໂຈະການຮັບສະໝັກພະນັກງານ ແລະ ຢຸດຕິການຮັບຈ້າງພະນັກງານໄລຍະສັ້ນ.
ຂ່າວລະບຸວ່າ: ໃນວັນທີ 30 ເມສາຜ່ານມາ, ທ່ານ ອັນໂຕນິໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດ ກ່າວວ່າ: ການຈ່າຍຄ່າທຳນຽມແມ່ນພັນທະຂອງປະເທດສະມາຊິກອົງການສະຫະປະຊາຊາດ ແລະ ເປັນເລື່ອງທີ່ໂຕ້ຖຽງບໍ່ໄດ້.
ໂຕເລກຂໍ້ມູນສະແດງໃຫ້ເຫັນວ່າ: ນັບມາຮອດຕົ້ນເດືອນກຸມພາປີນີ້, ອາເມຣິກາໄດ້ຄ້າງຊຳລະຄ່າທຳນຽມອົງການສະຫະປະຊາຊາດ ຊຶ່ງລວມທັງຄ່າໃຊ້ຈ່າຍໃນການຮັກສາສັນຕິພາບ ແລະ ສານອົງການສະຫະປະຊາຊາດ ທັງໝົດປະມານ 4.6 ຕື້ໂດລາ, ຄ້າງຊຳລະຄ່າທຳນຽມອົງການອຸຍແນັສໂກ ຫຼາຍກວ່າ 600 ລ້ານໂດລາ. ນອກນີ້ ກ່ອນຈະຖອນຕົວອອກຈາກ WTO, ອາເມຣິກາ ຍັງຄ້າງຊຳລະຄ່າທຳນຽມປີ 2024 ແລະ ປີ 2025 ປະມານ 278 ລ້ານໂດລາ.
