ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 24 ເມສາ ຜ່ານມາ, ຄະນະຄຸ້ມຄອງເຂດປ່າສະຫງວນແຫ່ງຊາດ ຟອງຍາ – ແກບາງ ໄດ້ປະກາດຜົນການສຳຫຼວດຖ້ຳປີ 2026, ໂດຍພົບເຫັນຫຼາຍສິ່ງໃໝ່ໆທີ່ມີຄຸນຄ່າດ້ານວິທະຍາສາດ ແລະ ເປີດອອກຄວາມສາມດບົ່ມຊ້ອນຢ່າງໃຫຍ່ຫຼວງໃຫ້ແກ່ການພັດທະນາການທ່ອງທ່ຽວແບບຍືນຍົງ.
ການສຳຫຼວດໂດຍມີການເຂົ້າຮ່ວມຂອງທີມງານສຳຫຼວດຖ້ຳຂອງ ອັງກິດ ແລະ ຊາວທ້ອງຖິ່ນ. ການເຄື່ອນໄຫວໄດ້ຜັນຂະຫຍາຍຢູ່ຫຼາຍເຂດຄື: ຕາແສງຟອງຍາ, ເທື້ອງແຈັກ, ກິມຝູ… ຄະນະໄດ້ສຳຫຼວດທັງໝົດ 29 ຖໍ້າ, ໃນນັ້ນມີຖ້ຳໃໝ່ 26 ຖໍ້າ. ມີຫຼາຍຖ້ຳທີ່ມີຂອບຂະໜາດໃຫຍ່, ມີຄຸນຄ່າດ້ານວິທະຍາສາດສູງ ໄດ້ຮັບການຮັບຮູ້.
ທ່ານ ຟ້າມຮົ່ງຖາຍ ຫົວໜ້າເຂດປ່າສະຫງວນແຫ່ງຊາດ ຟອງຍາ – ແກບາງ ໃຫ້ຮູ້ວ່າ: ວຽກງານສຳຫຼວດ, ຄົ້ນຄວ້າລະບົບຖ້ຳໃນບໍລິເວນແຂວງບັນລຸໄດ້ໝາກຜົນສຳຄັນຫຼາຍຢ່າງ, ເປີດບັນດາຄວາມສາມາດບົ່ມຊ້ອນຢ່າງໃຫຍ່ຫຼວງໃນການອະນຸລັກຮັກສາ ແລະ ພັດທະນາການທ່ອງທ່ຽວແບບຍືນຍົງ. ມາຮອດປັດຈຸບັນ ສາມາດຢັ້ງຢືນໄດ້ເຂດຖໍ້າຫຼັກ 7 ຖໍ້າ, ດ້ວຍການສຳຫຼວດຄວາມຍາວທັງໝົດ 254 ກວ່າ ກມ, ນຳເຂດນີ້ໃຫ້ກາຍເປັນໜຶ່ງໃນບັນດາເຂດທີ່ມີລະບົບຖໍ້າອຸດົມສົມບູນ ແລະ ເປັນເອກະລັກສະເພາະທີ່ສຸດໃນໂລກ.
