ຫຸ່ນຍົນ Humanoid ແລະ ປັນຍາປະດິດ ຈຸດເດັ່ນສຳຄັນຂອງງານ Hannover Messe 2026

ຂ່າວຕ່າງປະເທດລາຍງານ ໃນວັນທີ 22 ເມສາ ຜ່ານມາວ່າ: ຫຸ່ນຍົນຮູບຮ່າງຄ້າຍຄືມະນຸດ (Humanoid) ທີ່ມີຄວາມສາມາດສູງຫຼາກຫຼາຍຊະນິດໄດ້ຖືກວາງສະແດງ ແລະ ດຶງດູດຜູ້ມາຢ້ຽມຊົມງານວາງສະແດງ Hannover Messe 2026, ງານວາງສະແດງອຸດສາຫະກຳຊັ້ນນຳຂອງເຢຍລະມັນ ຊຶ່ງໄດ້ເປີດຂຶ້ນທີ່ເມືອງຮັນໂນເວີ ປະເທດເຢຍລະມັນໃນວັນ 20 ເມສາ ຜ່ານມາ. ໂດຍໃນປີ 2026 ນີ້ ປັນຍາປະດິດ (AI), ຂະແໜງອຸດສາຫະກຳ ແລະ ຫຸ່ນຍົນ Humanoid ໄດ້ກາຍເປັນຈຸດເດັ່ນທີ່ສຳຄັນ ແລະ ດຶງດູດຜູ້ມາຢ້ຽມຊົມເປັນຈຳນວນຫຼວງຫຼາຍໃຫ້ມາເບິ່ງ ແລະ ສຳຜັດປະສົບການພາຍໃນງານ.