ຫຼາຍຄົນຕິດນິໄສ “ຈຶ້ງ” ພັດລົມໃສ່ໂຕ ເພາະຢາກໃຫ້ເຢັນໄວ… ແຕ່ຮູ້ບໍ່ວ່າ ນັ້ນຄືການທຳຮ້າຍຮ່າງກາຍໂດຍກົງ! 
ຜົນເສຍທີ່ທ່ານອາດພົບ:
ຜິວພັນ ແລະ ດວງຕາແຫ້ງ: ລົມທີ່ພັດໃສ່ໂຕຕະຫຼອດຄືນຈະດຶງຄວາມຊຸ່ມຊື່ນອອກຈາກຮ່າງກາຍ. 
ພູມແພ້ອອກອາການ: ໃບພັດລົມຄືບ່ອນສະສົມຂອງຂີ້ຝຸ່ນ ແລະ ໄຮຝຸ່ນ ເມື່ອເປີດໃສ່ໂຕກໍຄືການສູດດົມສິ່ງເປື້ອນເຂົ້າປອດໂດຍກົງ. 
ກ້າມຊີ້ນອັກເສບ: ຄວາມເຢັນທີ່ເຂັ້ມຂຸ້ນສະເພາະຈຸດ ເຮັດໃຫ້ກ້າມເນື້ອຫົດຕົວ ແລະ ເກີດອາການຄໍເຄັດ ຫຼື ປວດເມື່ອຍຕອນຕື່ນນອນ. 
ວິທີເປີດພັດລົມທີ່ຖືກຕ້ອງ:
ຢ່າເປີດຈຶ້ງໃສ່ໂຕ: ໃຫ້ເປີດແບບ “ປິ່ນໄປມາ” ຫຼື ເປົ່າໄປທາງຝາເຮືອນ ເພື່ອໃຫ້ລົມສະທ້ອນກັບມາ ຈະຊ່ວຍໃຫ້ອາກາດຖ່າຍເທໄດ້ດີກວ່າ.
ໝັ່ນລ້າງທຳຄວາມສະອາດ: ຄວນລ້າງຕະແກງ ແລະ ໃບພັດຢ່າງໜ້ອຍ 2 ອາທິດ/ຄັ້ງ ເພື່ອຫຼຸດການສະສົມຂອງຝຸ່ນ. 
ຕັ້ງເວລາປິດ: ຖ້າອາກາດບໍ່ຮ້ອນເກີນໄປ ຄວນຕັ້ງເວລາປິດກ່ອນເຮົາຕື່ນປະມານ 1-2 ຊົ່ວໂມງ ເພື່ອໃຫ້ຮ່າງກາຍປັບອຸນຫະພູມໄດ້ຕາມທຳມະຊາດ.
ສຸຂະພາບດີເລີ່ມຕົ້ນຈາກເລື່ອງນ້ອຍໆ ທີ່ເຮົາເຮັດທຸກຄືນ! 
ໃຜຕິດນິໄສມັກເປີດພັດລົມຈໍ່ໃສ່ໂຕແດ່? ຫຼື ມີເຄັດລັບການນອນໃຫ້ເຢັນສະບາຍແບບອື່ນ ມາແລກປ່ຽນກັນໄດ້ຢູ່ກ້ອງຄອມເມັ້ນນີ້ເລີຍ! 
