ຂ່າວສານຊີອາໄອລາຍງານໃນວັນທີ 1 ເມສາ ຜ່ານມາວ່າ: ໂຕເລກຂໍ້ມູນທີ່ສະມາຄົມລົດ ສະຫະລັດ ອາເມຣິກາເປີດເຜີຍໃນວັນທີ 31 ມີນາຜ່ານມາສະແດງໃຫ້ເຫັນວ່າ, ລາຄານ້ຳມັນແອັດຊັງທຳມະດາສະເລ່ຍໃນທົ່ວປະເທດໄດ້ເພີ່ມຂຶ້ນເປັນ 4.02 ໂດລາຕໍ່ກາລອນ ຊຶ່ງໄດ້ສ້າງສະຖິຕິສູງສຸດໃນຮອບ 4 ປີ ແລະ ໄດ້ເພີ່ມຂຶ້ນຫຼາຍກວ່າ 1 ໂດລາ ເມື່ອທຽບໃສ່ໄລຍະທີ່ ສະຫະລັດ ອາເມຣິກາ ແລະ ອິສຣາແອນ ເລີ່ມເຄື່ອນໄຫວທາງການທະຫານຕໍ່ອີຣານໃນວັນທີ 28 ກຸມພາຜ່ານມາ.
ບຸກຄົນພາຍໃນວົງການຄາດຄະເນວ່າ: ຍິ່ງຊ່ອງແຄບຮໍມູຸສຖືກປິດດົນເທົ່າໃດ, ຍິ່ງຈະສ້າງຜົນກະທົບຕໍ່ເສດຖະກິດໂລກຫຼາຍເທົ່ານັ້ນ ແລະ ລາຄານ້ຳມັນຈະເພີ່ມສູງຂຶ້ນຢ່າງຕໍ່ເນື່ອງ. ຜູ້ບໍລິໂພກຊາວສະຫະລັດ ອາເມຣິກາ ມີຄວາມເຫັນໄປໃນແງ່ລົບຕໍ່ການພັດທະນາເສດຖະກິດໃນອະນາຄົດ. ຜົນການສຳຫຼວດທາງອອນລາຍທີ່ດຳເນີນໃນເດືອນມີນາຜ່ານມາສະແດງໃຫ້ເຫັນວ່າ: ມີຊາວສະຫະລັດ ອາເມຣິກາ 65% ເຫັນວ່າ: ເສດຖະກິດ ສະຫະລັດ ອາເມຣິກາ ຈະຊຸດໂຊມລົງໃນ 12 ເດືອນຂ້າງໜ້າ ຊຶ່ງເພີ່ມຂຶ້ນຈາກ 59% ໃນການສຳຫຼວດໃນເດືອນກຸມພາ.
