ຂ່າວສານຊີອາໄອລາຍງານໃນວັນທີ 14 ມີນາ ຜ່ານມາວ່າ: ຫ້ອງການຄຸ້ມຄອງລະບົບນຳທາງດ້ວຍດາວທຽມຈີນ ແຈ້ງໃຫ້ຮູ້ວ່າ: ລະບົບນຳທາງດ້ວຍດາວທຽມ “ເປີຍໂຕວ” ຈະໄດ້ຮັບການຍົກລະດັບຕາມວົງໂຄຈອນໃນໄວໆນີ້ ໂດຍຈະປັບປຸງດາວທຽມບາງດວງໃຫ້ດີຂຶ້ນ ເພື່ອໃຫ້ບໍລິການທີ່ດີກວ່າເກົ່າ. ໃນໄລຍະການປັບປຸງນີ້, ການທົດສອບຮ່ວມກັນ ແລະ ການຕິດຕາມກວດກາ ການບໍລິການຈະໄດ້ຮັບການເສີມສ້າງຢ່າງຕໍ່ເນື່ອງ ເພື່ອຮັບປະກັນໃຫ້ຜູ້ຊົມໃຊ້ໄດ້ຮັບປະສົບການທີ່ດີຍິ່ງຂຶ້ນ.
ໃນຖານະທີ່ເປັນລະບົບນຳທາງດ້ວຍດາວທຽມທົ່ວໂລກທີ່ມີການກໍ່ສ້າງສົມບູນແບບ, ມີສະມັດຖະນະທີ່ຄົບຖ້ວນ ແລະ ມີປະສິດທິພາບທີ່ດີເດັ່ນ, ປັດຈຸບັນ, ລະບົບນຳທາງດ້ວຍດາວທຽມ “ເປີຍໂຕວ” ມີດາວທຽມ 50 ດວງກຳລັງດຳເນີນງານຢູ່ຕາມວົງໂຄຈອນ, ຄວາມຖືກຕ້ອງແມ່ນຢຳຂອງສັນຍານທາງພື້ນທີ່ນ້ອຍກວ່າ 2 ແມັດ ແລະ ສາມາດໃຫ້ບໍລິການກຳນົດທີ່ຕັ້ງທີ່ມີຄວາມແມ່ນຢຳສູງໃນຂອບເຂດ 10 ແມັດແກ່ລູກຄ້າໃນທົ່ວໂລກ ຊຶ່ງໄດ້ເຊື່ອມໂຍງເຂົ້າໃນການພັດທະນາເສດຖະກິດ-ສັງຄົມແຫ່ງຊາດຢ່າງເລິກເຊິ່ງ ແລະ ກາຍເປັນວິທະຍາສາດເຕັກໂນໂລຊີທີ່ກ້າວໜ້າເພື່ອຮັບໃຊ້ຊີວິດຂອງປະຊາຊົນ.
