ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ຜູ້ຊີີ້ນໍາວຽກງານຂົງເຂດຄວາມໝັ້ນຄົງ ແລະ ການປົກຄອງ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງໄຊສົມບູນ ໃນວັນທີ 11-12 ມີນາ 2026ນີ້, ໂດຍການຕ້ອນຮັບຂອງ ທ່ານ ພຈວ ບົວພັນ ອິນທະປັນຍາ ປະທານຄະນະກຳມະການປົກຄອງແຂວງ, ພ້ອມດ້ວຍຄະນະນຳຂອງແຂວງ ແລະ ປະທານ ບໍລິສັດ ໂຊກມະນີ ມ້າຍນີງ ຈຳກັດ ໃຫ້ການຕ້ອນຮັບຢ່າງອົບອຸ່ນ.
ການລົງເຄື່ອນໄຫວວຽກງານຂອງ ທ່ານ ພົນເອກ ຈັນສະໝອນ ຈັນຍາລາດ ພ້ອມດ້ວຍຄະນະ ໃນຄັ້ງນີ້, ແມ່ນຈະໄດ້ລົງເຄື່ອນໄຫວຕິດຕາມ, ກວດກາ, ຊຸກຍູ້ໂຄງການ ຂອງບໍລິສັດ ໂຊກມະມີ ມາຍນີງ ຈຳກັດ ແລະ ຈະໂອ້ລົມພະນັກງານຫຼັກແຫຼ່ງຂອງແຂວງໂດຍສະເພາະແມ່ນພະນັກງານ ບັນດາພະແນກການ, ອົງການຂັ້ນແຂວງ ແລະ 5 ເມືອງ ພາຍໃນແຂວງໄຊສົມບູນ. ຫຼັງຈາກນັ້ນ, ທ່ານ ພົນເອກ ຈັນສະໝອນ ຈັນຍາລາດ ພ້ອມດ້ວຍຄະນະນຳແຂວງ ຍັງໄດ້ເຂົ້າຢ້ຽມຢາມໂຮງງານ ຂອງບໍລິສັດ ໂຊກມະນີ ມາຍນີງ ຈຳກັດ ຢູ່ເມືອງລ້ອງແຈ້ງ ເຕີ່ມອິກ.
